/6398792f51f9c_1670936820_medium.jpg)
- 2022-12-13 13:23:14
- បាល់ទាត់
ភ្នាក់ងារ Giroud និងក្លឹប AC Milan ណាត់ជួបគ្នា
- 2022-12-13 13:23:14
- ចំនួនមតិ 0 | ចំនួនចែករំលែក 0
ភ្នាក់ងារ Giroud និងក្លឹប AC Milan ណាត់ជួបគ្នា
ចន្លោះមិនឃើញ
ភ្នាក់ងារខ្សែប្រយុទ្ធ Olivier Giroud និងតំណាងក្លឹប AC Milan បានកំណត់ពេលជួបគ្នាដើម្បីពិភាក្សាអំពីការបន្តកុងត្រារបស់កីឡាករបារាំងជាមួយក្លឹបយក្សអ៊ីតាលីមួយនេះ។ នេះបើតាមការចុះផ្សាយរបស់អ្នកសារព័ត៌មានល្បីឈ្មោះ Fabrizio Romano។
យោងតាមប្រភពដដែល កុងត្រាថ្មីនឹងត្រូវបានព្រមព្រៀងដោយភាគីទាំងសងខាងនាពេលឆាប់ៗខាងមុខ។ កុងត្រាបច្ចុប្បន្នរបស់ Giroud នៅ AC Milan នឹងបញ្ចប់នៅដាច់រដូវកាល ២០២២/២០២៣ នេះ។ ក្លឹបយក្សអ៊ីតាលី ចង់ផ្ដល់កុងត្រាថ្មីជូនដល់ Giroud ដើម្បីឲ្យកីឡាកររូបនេះបន្តនៅមួយរដូវកាលទៀតជាមួយក្លឹបរហូតដល់ពាក់កណ្ដាលឆ្នាំ ២០២៤។
ខែ្សប្រយុទ្ធវ័យ ៣៦ ឆ្នាំ Giroud បានមកចូលរួមជាមួយក្លឹប AC Milan កាលពីឆ្នាំ ២០២១។ រហូតមកទល់ពេលនេះ កីឡាកររូបនេះបានស៊ុតចូល ១៦ គ្រាប់ ក្នុងការប្រកួតសរុប ៤២ ប្រកួត។
Giroud បានបង្ហាញទម្រង់លេងបានយ៉ាងល្អក្នុងព្រឹត្តិការណ៍ World Cup នេះ។ កីឡាកររូបនេះ បានស៊ុតចូល ៤ គ្រាប់ក្នុង ៤ ប្រកួត ហើយគ្រាប់ទាំងនោះសុទ្ធតែជាគ្រាប់សំខាន់ៗក្នុងការជួយបារាំងឲ្យឡើងដល់វគ្គពាក់កណ្ដាលផ្ដាច់ព្រ័ត្រ។
បារាំង នឹងត្រូវប៉ះម៉ារុក ក្នុងវគ្គពាក់កណ្ដាលផ្ដាច់ព្រ័ត្រ World Cup ២០២២៕
