- 2022-12-08 13:04:30
- បាល់ទាត់
គ្រូអេស្ប៉ាញ Luis Enrique លាលែងពីតំណែង
- 2022-12-08 13:04:30
- ចំនួនមតិ 0 | ចំនួនចែករំលែក 0
គ្រូអេស្ប៉ាញ Luis Enrique លាលែងពីតំណែង
ចន្លោះមិនឃើញ
គ្រូបង្វឹកក្រុមជម្រើសជាតិអេស្ប៉ាញ Luis Enrique បានលាលែងពីតំណែង ក្រោយក្រុមបានធ្លាក់ត្រឹមវគ្គ ១៦ ក្រុមចុងក្រោយ World Cup។
អម្បាញ់មិញនេះ សហព័ន្ធបាល់ទាត់អេស្ប៉ាញបានប្រកាសថា លោក Luis Enrique បានចុះចែញពីតំណែង។ សហព័ន្ធបានថ្លែងអំណរគុណលោក ហើយជូនពរលោកឲ្យបានសំណាងក្នុងការងារបន្ទាប់។ គ្រូបង្វឹកក្រុម U21 អេស្ប៉ាញ លោក Luis de la Fuente ត្រូវបានតែងតាំងជាគ្រូបង្វឹកក្រុមឈុតធំអេស្ប៉ាញជំនួសលោក Enrique។
លោក Enrique បានកាន់តំណែងជាគ្រូបង្វឹកក្រុមអេស្ប៉ាញចំនួន ២ លើក។ លើកទី ១ គឺពីខែកក្កដា ២០១៨ ដល់ខែមីនា ២០១៩។ លោកបានលាឈប់ ដោយហេតុផលផ្ទាល់ខ្លួន ក្រោយដឹកបាន ៨ ប្រកួតប៉ុណ្ណោះ។ លោកបានមកកាន់តំណែងនេះជាលើកទី ២ ពីខែវិច្ឆិកា ២០១៩ ដល់ខែធ្នូ ២០២២។ ក្នុងអំឡុងពេលកាន់តំណែងលើកទី ២ លោកដឹកបាន ៣៩ ប្រកួត ដោយឈ្នះ ២០ លើក ស្មើ ១៤ ដង ហើយចាញ់ ៥ ប្រកួត។
អេស្ប៉ាញបានចាញ់ម៉ារុកក្នុងវគ្គទាត់បាល់ ១១ ម៉ែត្រក្នុងលទ្ធផល ៣ ទល់នឹង ០ ក្រោយលេង ១២០នាទី បានត្រឹមលទ្ធផល ០-០។ កាលពីវគ្គ Group Stage អេស្ប៉ាញឈ្នះកូស្ដារីកា ៧ ទល់នឹង ០ ស្មើអាល្លឺម៉ង់ ១ ទល់នឹង ១ ហើយចាញ់ជប៉ុនក្នុងលទ្ធផល ១ ទល់នឹង ២៕