លោក​ Van der Gouw អ្នកចាំទី​ចូល​និវត្តន៍​ដែល​ជា​អតីត​អ្នកចាំទី​របស់​ Manchester United បាន​និយាយ​ទៅ​កាន់​ សារព័ត៌មាន​ Stats Perform នៅ​ក្នុង​ថ្ងៃ​នេះ​ថា​ ខ្សែប្រយុទ្ធ​ Cristiano Ronaldo នៅ​តែ​ល្អ​អញ្ចឹង​ គ្រាន់​តែ​គេ​កំពុង​ដើរ​យឺត​ជាង​មិត្ត​រួម​ក្រុម​ ដោយ​តម្រូវ​ឲ្យ​សម្រប​ខ្លួន​ឲ្យ​បាន​ឆាប់ៗ​។

Van der Gouw បាន​និយាយ​ថា​៖" គេ​នៅ​តែ​ល្អ​អញ្ចឹង​ ទោះ​ជា​គេ​មាន​វ័យ​លើស​ ៣០ឆ្នាំ​ហើយ​ក៏​ដោយ​ ប៉ុន្តែ​គេ​នៅ​តែ​មាន​កាយសម្បទា​រឹងមាំ​ គ្រាន់​តែ​គេ​មិន​បាន​ចូល​រួម​ Pre-Season ពេញ​លេញ​ អញ្ចឹង​បាន​ជា​លំបាក​ "។

អតីត​អ្នកចាំទី​រូប​នេះ​បន្ត​ថា​៖" មើល​ទៅ​ទម្រង់​លេង​គេ​ឥឡូវ​នេះ​ទៅ​គឺ​រាង​ដើរ​យឺត​ជាង​មិត្ត​រួម​ក្រុម​បន្តិច​ហើយ​ ដែល​ទាមទារ​ពេល​ត្រូវ​ការ​សម្រប​ខ្លួន​។ ទម្រង់​លេង​ក្រុម​នេះ​មាន​ប្រែប្រួល​លឿន​ តែ​គេ​អត់​អញ្ចឹង​ទេ​ អញ្ចឹង​ហើយ​ត្រូវ​ការ​ពេល​។​ ពិត​ណាស់​យើង​អាច​មាន​កាយ​សម្បទា​រឹង​មាំ​ដោយ​ហ្វឹកហាត់​ខ្លួន​ឯង​ តែ​យើង​ក៏​ត្រូវ​ស៊ាំ​នឹង​ពេល​ប្រកួត​ផង​ដែរ​ ដែល​ទាមទារ​ឲ្យ​ចូល​រួម​ប្រកួត​។ បញ្ហា​ហ្នឹង​ហើយ​គេ​មិន​ធ្វើ​វា​តាំង​ពី​ដើម​រដូវក​កាល​ ដល់​ពេល​អញ្ចឹង​គេ​រាង​យឺត​ជាង​គេ​ហើយ​ "។

Ronaldo នៅ​ពេល​នេះ​ត្រូវ​បាន​កីឡាករ​ ក៏​ដូច​ជា​អ្នកវិភាគ​មួយ​ចំនួន​ធ្វើ​ការ​ចម្អក​ និង​រិះគន់​នឹង​សមត្ថភាព​គេ​ដោយ​ធ្លាក់​​ទម្រង់​លេង​ទាំង​ឲ្យ​ Man Utd ក៏​ដូច​ជា​ក្រុម​ជម្រើសជាតិ​ព័រទុយហ្គាល់​កាល​ពី​ពេល​ថ្មីៗ​នេះ​៕

ប្រភព៖ Fotmob