• 2022-09-07 12:33:29
  • បាល់ទាត់

ល្បីថា​ អ្នកចាត់ការ​​ Brighton ជា​បេក្ខជន​ឈាន​មុខ​ Chelsea ចង់​បាន​ ក្រោយ​ដេញ​ Tuchel

  • 2022-09-07 12:33:29
  • ចំនួនមតិ 0 | ចំនួនចែករំលែក 0

ចន្លោះមិនឃើញ

លោក​ Graham Potter អ្នកចាត់ការ​ Brighton & Hove Albion ជា​បេក្ខជន​ឈាន​មុខ​ដែល​ក្លឹប​ Chelsea ចង់​មក​ធ្វើ​ជា​អ្នកចាត់ការ​ថ្មី​ ក្រោយ​បណ្ដេញ​លោក​ Thomas Tuchel ​។ នេះ​បើ​យោង​តាម​ការ​ចុះ​ផ្សាយ​របស់​សារព័ត៌មាន​ Fabrizio Romano នៅ​ក្នុង​ថ្ងៃ​នេះ​។

នៅ​ខណៈ​នេះ​ លោក​ Graham ត្រូវ​បាន​ក្លឹប​ Chelsea ទាក់ទង​ និង​ពិភាក្សា​ពី​តំណែង​អ្នកចាត់ការ​នេះ​ តែ​យ៉ាង​ណា​មិន​សម្រេច​គ្នា​យ៉ាង​ណា​ទេ​ ដោយ​ក្រុម​តោខៀវ​កំពុង​សិក្សា​ជម្រើស​ និង​កំពុង​ទាក់ទង​ទៅ​កាន់​គ្រូ​បង្វឹក​ផ្សេង​ទៀត​ផង​ដែរ​។

បើ​តាម​ប្រភព​ខាង​លើ​នេះ​ក៏​ដូច​ជា​សារព័ត៌មាន​ Fotmob នៅ​ក្នុង​នោះ​ក៏​មាន​ លោក​ Mauricio Pochettino អតីត​គ្រូ​បង្គោល​ PSG លោក​ Zinedine Zidane, Brendan Rodgers និង​ លោក​ Roberto Mancini ដែល​ Chelsea នឹង​ទាក់​ទង​ទៅ​ជា​បន្ត​បន្ទាប់​ តែ​ក្នុង​ចំណោម​ទាំង​អស់​នេះ​ លោក​ Graham Potter ជា​បេក្ខជន​ឈាន​មុខ​គេ​ ហើយ​ក្លឹប​ក៏​បាន​ទាក់ទង​ទៅ​មុន​គេ​ផង​ដែរ​៕

អត្ថបទ៖ ហ៊ីម រស្មី

មតិយោបល់