Zidane បញ្ជាក់ច្បាស់ៗហើយថា ចង់ទៅដឹកនាំ ក្រុមជម្រើសជាតិបារាំង

2022-06-23 12:50:01
បាល់ទាត់

2022-06-23 12:50:01
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Zinedine Zidane អតីតគ្រូបង្គោលក្លឹប Real Madrid បាននិយាយទៅកាន់កាសែត L'Equipe នៅក្នុងថ្ងៃនេះដោយបញ្ជាក់ពីគោលដៅក្រុមដែលលោកចង់ទៅដឹកនាំច្បាស់ៗថា លោកចង់ទៅដឹកនាំក្រុមជម្រើសជាតិបារាំង។

លោក Zidane បាននិយាយថា៖" ច្បាស់ណាស់ ខ្ញុំចង់ធ្វើជាគ្រូបង្វឹកក្រុមជម្រើសជាតិបារាំងមែន។ ខ្ញុំសង្ឃឹមថា ខ្ញុំនឹងអាចទទួលបានការងារមួយហ្នឹងនៅថ្ងៃណាមួយ។ តែសួរថាពេលណា? រឿងហ្នឹងមិនស្ថិតនៅលើខ្ញុំទេ។ យ៉ាងណាខ្ញុំមកដឹកនាំក្រុមនេះនៅពេលដែលពេញសាច់អញ្ចឹងតែម្ដង ខ្ញុំធ្លាប់ចូលរួមជាមួយក្រុមហ្នឹង កាលខ្ញុំជាកីឡាករ គឺថាអស្ចារ្យមែនទែន "។

លោកបន្តថា៖" និយាយទៅមកដល់ឥឡូវនេះទោះជាខ្ញុំក្លាយជាគ្រូបង្គោលទៅហើយក៏ដោយ តែក្រុមជម្រើសជាតិបារាំងគឺដក់ជាប់ក្នុងខួរក្បាលខ្ញុំជានិច្ច។ សួរថានឹងធ្វើបន្តពី Descahmps មែន? ខ្ញុំមិនដឹងដែរ បើអាចបន្តពីហ្នឹងក៏បាន បើអត់ក៏អត់។ និយាយទៅពេលនេះក្រុមនេះគឺមានគោលដៅពួកគេ បើឱកាសមកដល់ ខ្ញុំនឹងទៅដឹកនាំទីនេះ។ តែនិយាយឲ្យហើយនេះមិនសម្រេចលើខ្ញុំទេ គ្រាន់តែនេះជាអ្វីដែលខ្ញុំចង់បានគឺថា ក្រុមជម្រើសជាតិគឺដឹងតែអស្ចារ្យណាស់ "។

គួរបញ្ជាក់ផងដែរថា នៅក្នុងថ្ងៃនេះជាខួបកំណើត ៥០ឆ្នាំរបស់ Zidane ហើយក៏បានបញ្ជាក់រឿងខាងលើនេះ ដែលជារឿងអ្នកគ្រប់គ្នាដឹងប្រាកដណាស់កន្លងមកថា លោកពិតជាចង់ដឹកនាំក្រុមជម្រើសជាតិបារាំង៕

ប្រភព៖ Dailymail ប្រែសម្រួល៖ ហ៊ីម រស្មី