រឿង៣យ៉ាងដែលប្រិយមិត្តគួរតែដឹងក្នុងជំនួប កម្ពុជាប៉ះឥណ្ឌាស្អែកនេះ

2022-06-07 03:07:54
បាល់ទាត់

2022-06-07 03:07:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្អែកនេះក្រុមជម្រើសជាតិកម្ពុជា នឹងត្រូវប៉ះក្រុមជម្រើសជាតិឥណ្ឌា ក្នុងការប្រកួតពានរង្វាន់ AFC Asian Cup 2023 Qualifiers Final Round ដែលក្រុមទាំងពីរនឹងចាប់ផ្ដើមកែបាល់លេងនៅម៉ោង១០:០០នាទីយប់ (ម៉ោងនៅកម្ពុជា) នៅលើទឹកដីប្រទេសឥណ្ឌា។ ក្នុងជំនួបស្អែកនេះគឺជាការប្រកួតបើកឆាកក្នុងវគ្គសន្សំពិន្ទុពូល D រវាងកម្ពុជា និងឥណ្ឌា ដែលប្រិយមិត្តគួរតែដឹងរឿង៣យ៉ាងនេះមុនការប្រកួតនេះចាប់ផ្ដើម។

១-ចំណាត់ថ្នាក់ (Ranking ) ៖ ក្រុមទាំងពីរមានចំណាត់ថ្នាក់ខុសគ្នាច្រើនគួរសម ពោលគឺកម្ពុជាស្ថិតនៅលេខរៀងទី១៧១ ខណៈដែលក្រុមជម្រើសជាតិឥណ្ឌាមានចំណាត់ថ្នាក់លេខ១០៦ នាពេលបច្ចុប្បន្ន ដែលចំណាត់ថ្នាក់របស់ក្រុមឥណ្ឌាគឺស្ថិតនៅលើក្រុមខ្លាំងកូរ៉េខាងជើង (១០៩) និងថៃ (១១១) ។

២-ប្រវត្តិប៉ះគ្នា៖ គិតចាប់ពីឆ្នាំ២០០៧ មកដល់ពេលនេះកម្ពុជាធ្លាប់ប៉ះឥណ្ឌា ចំនួន២លើក ដោយកាលឆ្នាំ២០០៧ កម្ពុជាចាញ់ឥណ្ឌា ៦-០ ក្នុងជំនួបមិត្តភាពអន្តរជាតិ និងប៉ះគ្នាចុងក្រោយនៅឆ្នាំ២០១៧ កម្ពុជាបានចាញ់ឥណ្ឌា ៣-២ នៅទឹកដីប្រទេសកម្ពុជាក្នុងជំនួបមិត្តភាពដូចគ្នា ដែលកាលនោះត្រូវបានគេចាំថា គឺ ចាន់ វឌ្ឍនាកា និង ឃួន ឡាបូរ៉ាវី រកបានម្នាក់១គ្រាប់ឲ្យកម្ពុជា។

៣-កីឡាករល្អបំផុតរបស់ឥណ្ឌា ដែលប្រិយមិត្តគួរតែស្គាល់៖ Sunil Chhetri ជាកីឡាករដ៏គ្រោះថ្នាក់ម្នាក់របស់ឥណ្ឌា ដែលធ្លាប់បានបង្ហាញខ្លួនរហូតដល់ទៅ១២៦ ដងរួចមកហើយឲ្យជម្រើសជាតិ ក្នុងនោះគេរកបានរហូតដល់ទៅ៨០គ្រាប់ឲ្យក្រុមជម្រើសជាតិរបស់ខ្លួនថែមទៀតផង។

កីឡាកររូបនេះមិនត្រឹមជាខ្សែប្រយុទ្ធឆ្នើមរបស់ជម្រើសជាតិឥណ្ឌា ថែមទាំងជាកីឡាករឆ្នើមក្នុងក្រុម Bengaluru ដែលជាក្រុមលេងនៅលីគកំពូលប្រទេសឥណ្ឌានាពេលបច្ចុប្បន្ន ។ ជាងនេះទៅទៀតអ្វីដែលធ្វើមហាជនស្គាល់កាន់តែច្បាស់ គឺឆ្នាំ២០១៣ រូបគេបានផ្ទេរទៅលេងដល់អឺរ៉ុប គឺក្លឹប Sporting Lisbon ដែលកាលនោះគេលេងបាន៣ប្រកួតតែប៉ុណ្ណោះក៏ត្រូវបានក្លឹប Churchill Brothers នៃលីគកំពូលប្រទេសឥណ្ឌាខ្ចីជើងត្រឡប់មកកាន់ស្រុកកំណើតវិញ។

Sunil Chhetri

វគ្គជម្រុះជុំចុងក្រោយនេះត្រូវបានបែងចែកជា៦ពូល ដោយដំណើរការប្រកួតចាប់ពីថ្ងៃទី៨ ដល់ថ្ងៃទី១៤ ខែមិថុនា ឆ្នាំ ២០២២ ក្រុមនៅតាមពូលនីមួយៗនឹងធ្វើការប្រកួតតែមួយជើង ដោយក្រុមដែលមានពិន្ទុលើសគេចំនួន១ នឹងឡើងទៅដំណាក់ផ្ដាច់ព្រ័ត្រដោយស្វ័យប្រវត្តិ ស្របពេលក្រុមលេខ២ ល្អចំនួន៥ ក្រុមឡើងទៅកាន់ដំណាក់កាលផ្ដាច់ព្រ័ត្រ។

ពានរង្វាន់នេះក្រុមចំនួន១៣ កំពុងរង់ចាំការប្រកួតដំណាក់កាលផ្ដាច់ព្រ័ត្រ ដែលធ្វើឡើងនៅចិន ស្របពេល២៤ ក្រុមផ្សេងទៀតត្រូវធ្វើការប្រកួតគ្នា ដើម្បីស្វែងរកក្រុម១១បន្ថែមទៀតទៅបង្គ្រប់២៤ ក្រុមដើម្បីប្រកួតដំណាក់កាលផ្ដាច់ព្រ័ត្រនៅចិនឆ្នាំ២០២៣៕

អត្ថបទ៖ ស្រី សុវណ្ណដារ៉ា