- 2022-05-20 03:23:54
- បាល់ទាត់
Premier League នឹងដាក់ពានពិតនៅ Etihad និងពានចម្លងនៅ Anfield
- 2022-05-20 03:23:54
- ចំនួនមតិ 0 | ចំនួនចែករំលែក 0
Premier League នឹងដាក់ពានពិតនៅ Etihad និងពានចម្លងនៅ Anfield
ចន្លោះមិនឃើញ
ពានរង្វាន់ Premier League នឹងមានវត្តមានទាំងនៅកីឡដ្ឋាន Etihad និង Anfield សម្រាប់ការប្រកួតនៅថ្ងៃអាទិត្យចុងសប្ដាហ៍នេះ។
ប្រភពពី Daily Telegraph ឲ្យដឹងថា ពាន PL ពិតនឹងត្រូវយកទៅដាក់ក្នុងកីឡដ្ឋានរបស់ក្លឹប Manchester City ខណៈពានចម្លងផ្ញើទៅ Liverpool។ ការសម្រេចបញ្ជូនពានពិតទៅកាន់កីឡដ្ឋាន Etihad ក៏ព្រោះតែក្រុមកំពុងនាំមុខកំពូលតារាង City ត្រូវការត្រឹមតែឈ្នះ Aston Villa ដើម្បីធានាបានពានជាលើកទី៤ក្នុងរយៈពេល៥ឆ្នាំចុងក្រោយ។
ចំពោះពាននិងមេដាយចម្លងនឹងត្រូវដាក់នៅកីឡដ្ឋាន Anfield របស់ក្លឹប Liverpool ដែលកំពុងគម្លាតក្រោម City មួយពិន្ទុ។ ពួកគេត្រូវប៉ះជាមួយ Wolves សម្រាប់ការប្រកួតចុងក្រោយក្នុងលីគ ហើយក៏ត្រូវការឈ្នះដូចគ្នា។ ប្រសិនបើ City ភ្លាត់ចាញ់ឬស្មើជាមួយ Aston វាជាឱកាសសម្រាប់ Liverpool ក្លាយជាម្ចាស់ពានលីគរដូវកាលនេះ។
នាយកប្រតិបត្តិរបស់ Premier League លោក Richard Masters នឹងបង្ហាញវត្តមាននៅឯទីក្រុង Manchester ជាមួយពានពិត ខណៈប្រធានបណ្ដោះអាសន្នលោក Peter McCormick នឹងទៅទីក្រុង Liverpool។ City ពេលកំពុងឈរលេខ១ក្នុងតារាងពិន្ទុ Premier League មាន៩០ពិន្ទុ ខណៈ Liverpool នៅលេខ២មាន៨៩ពិន្ទុ៕