- 2022-05-02 12:33:21
- បាល់ទាត់
Rangnickថាអនាគត Ronaldo ស្ថិតលើ Ten Hag ខណៈ Man Utd ត្រូវការខ្សែប្រយុទ្ធថ្មីបន្ថែមទៀត
- 2022-05-02 12:33:21
- ចំនួនមតិ 0 | ចំនួនចែករំលែក 0
Rangnickថាអនាគត Ronaldo ស្ថិតលើ Ten Hag ខណៈ Man Utd ត្រូវការខ្សែប្រយុទ្ធថ្មីបន្ថែមទៀត
ចន្លោះមិនឃើញ
សារព័ត៌មាន Sky Sports បានសួរទៅកាន់លោក Ralf Rangnick អ្នកចាត់ការបណ្ដោះអាសន្នក្លឹប Manchester United មុនពេលប្រកួតតទល់នឹងក្លឹប Brentford ថ្ងៃនេះថា តើខ្សែប្រយុទ្ធ Cristiano Ronaldo នឹងនៅក្រុមបិសាចបន្តទេ?
លោក Rangnick ក៏បានឆ្លើយតបថា រឿងនេះគឺស្ថិតលើ លោក Erik ten Hag អ្នកចាត់ការថ្មី Man Utd ខណៈលោកក៏បញ្ជាក់ច្បាស់ៗថា ក្រុមនេះត្រូវការខ្សែប្រយុទ្ធថ្មី ២-៣ នាក់ទៀតនៅរដូវកាលថ្មីខាងមុខ។
លោក Rangnick បាននិយាយថា៖" សំណួរនេះគឺគួរតែសួរទៅកាន់ Erik Ten Hag ទើបដឹង។ យ៉ាងណាចំពោះ Ronaldo ខ្ញុំមើលឃើញថា គេនៅតែអាចបង្ហាញឲ្យឃើញថាគេអាចជួយបានច្រើនដល់ក្រុមនេះ តែយ៉ាងណាច្បាស់ណាស់ក្រុមនេះត្រូវខ្សែប្រយុទ្ធថ្មីបន្ថែមទៀត ត្រូវការប្រែហែល ២-៣នាក់សម្រាប់រដូវកាលថ្មីខាងមុខ "។
មកទល់នឹងពេលនេះ លោក Rangnick នៅតែនិយាយថា លោកមិនទាន់បាននិយាយជាមួយ លោក Ten Hag ដើម្បីពិភាក្សាពីបញ្ហាពាក់ព័ន្ធនឹង Man Utd នៅឡើយទេ។
គួរបញ្ជាក់ផងដែរអ្នកចាត់ការបណ្ដោះអាសន្ន Man Utd រូបនេះនឹងក្លាយជាប្រឹក្សាក្រុមនេះចាប់ពីរដូវកាលថ្មីខាងមុខនេះ ហើយលោកក៏បានតែងតាំងជាគ្រូបង្គោលថ្មីរបស់ក្រុមជម្រើសជាតិអូទ្រីសផងដែរ៕