- 2022-04-22 03:08:06
- បាល់ទាត់
មានពន្លឺតិចៗ អតីតក្លឹប Rooney ធ្លាប់លេងឲ្យទាក់ទងចង់បាន Bale យកទៅលេងជាមួយ
- 2022-04-22 03:08:06
- ចំនួនមតិ 0 | ចំនួនចែករំលែក 0
មានពន្លឺតិចៗ អតីតក្លឹប Rooney ធ្លាប់លេងឲ្យទាក់ទងចង់បាន Bale យកទៅលេងជាមួយ
ចន្លោះមិនឃើញ
Gareth Bale ត្រូវបានរាយការណ៍ថាកំពុងចរចាជាមួយក្លឹបនៅអាមេរិក DC United ដើម្បីចូលរួមជាមួយពួកគេដោយគ្មានតម្លៃខ្លួនក្នុងរដូវក្ដៅនេះ ពេលដែលកុងត្រារបស់គេបញ្ចប់ជាមួយ Real Madrid។
កុងត្រារបស់ Bale ជាមួយ Madrid នឹងអស់នៅក្នុងពេលឆាប់ៗខាងមុខ បន្ទាប់ពីចំណាយពេល៨ឆ្នាំជាមួយក្លឹប។ តាមការឲ្យដឹងពី Washington Post ក្លឹប DC United កំពុងសម្លឹងការផ្ដល់សំណើទៅកាន់ Bale ដើម្បីនាំគេមកលេងនៅលីគអាមេរិក។
តាមប្រភពឲ្យដឹងថា ក្លឹបក្នុងលីគ MLS កំពុងស្ថិតក្នុងការពិភាក្សាជាមួយអ្នកតំណាងរបស់ Bale អំពីការចូលរួមជាមួយពួកគេដោយគ្មានតម្លៃខ្លួនក្នុងរដូវក្ដៅនេះ។ ក្នុងនោះគេក៏បានដឹងថា DC United បានរៀបចំសំណើទៅកាន់ Bale ជាមួយកិច្ចសន្យាដ៏ធំមួយជាងអ្វីដែលពួកគេធ្លាប់ផ្ដល់ឲ្យ Wayne Rooney ពេលដែលគេមកចូលរួមជាមួយក្លឹបកាលពីឆ្នាំ២០១៨។
Bale វ័យ៣២ឆ្នាំដែលធ្លាប់លេងបានជាង២៥០ប្រកួតឲ្យ Real Madrid និងឈ្នះពាន១៤គ្រឿងក៏មានការទាក់ទងឲ្យត្រលប់ទៅកាន់ក្លឹប Spurs វិញ ខណៈ Cardiff ក៏ចាប់អារម្មណ៍ដូចគ្នា។ អនាគតរបស់ Bale ជាមួយ Madrid ទំនងមិនអាចបន្តកុងត្រាទៅមុខជាមួយគ្នាបានទៀតឡើយ ដោយសារតែគេលែងជាជម្រើសរបស់ក្លឹបទៀតហើយ៕
