រំជួលចិត្ត! Wladimir Klitschko ថារុស្ស៊ីកំពុងប្រព្រឹត្តិអំពើប្រល័យពូជសាសន៍លើអ៊ុយក្រែន

2022-04-07 06:19:47
បាល់ទាត់

2022-04-07 06:19:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ដេចប្រដាល់ Wladimir Klitschko បានចោទប្រកាន់ថាប្រទេសរុស្ស៊ីកំពុងតែប្រព្រឹត្តិអំពើប្រល័យពូជសាសន៍មកលើជនជាតិអ៊ុយក្រែនហើយ ចំពោះអ្វីដែលពួកគេបានធ្វើនៅក្រុងBucha ។

ការសម្លាប់រង្គាលនៅក្នុងទីក្រុង Bucha ដែលជាទីក្រុងមួយក្បែរដ្ឋធានីគៀវនេះ បានក្លាយទៅជារឿងដែលគួរតក់ស្លុតបំផុតរបស់ពិភពលោកទាំងមូល។ រូបភាព និងវីដេអូជាច្រើនបានបង្ហាញអំពីទិដ្ឋភាពសាកសពពលរដ្ឋអ៊ុយក្រែនជាច្រើននាក់ស្លាប់ យ៉ាងអាណោចអាធ័មមើលហើយគួរឱ្យសង្វេគជាពន់ពេក ក្រោមស្នាដៃឃោឃៅព្រៃផ្សៃរបស់មេដឹកនាំផ្តាច់ការលោកពូទីន ដែលគេហៅថា ឧក្រិដ្ឋជន សង្គ្រាម ។

រហូតមកដល់ពេលនេះគេប្រទះឃើញសាកសពពលរដ្ឋស្លូតត្រង់ជាង៤០០នាក់ឯណោះដេកស្លាប់នៅតាមផ្លូវ។ ដោយខ្លះមានស្លាកស្នាមធ្វើបាបខ្លាំង និងខ្លះទៀតដេកស្លាប់ទាំងខ្លួនជាប់ចំណងចងដៃទៅក្រោយ ហើយចាញ់ចំក្បាល។ នេះត្រូវបានគេចាត់ចូលជាអំពើប្រល័យពូជសាសន៍ និងឃោឃៅបំផុតហើយ ដែលទាហានធ្វើបាបពលរដ្ឋស្លូតត្រង់បែបនេះ។

លោក Wladimir Klitschko ដែលជាអតីតកីឡាករល្បីបំផុតរបស់អ៊ុយក្រែន និងជាកងទ័ពជួរមុខការពារក្រុងគៀវ ក៏បានចុះទៅដល់ទីក្រុង Bucha ដែរ។ នៅពេលឃើញស្ថានភាពផ្ទាល់ សាកសពស្លាប់ពេញផ្លូវ លោក Wladimir បានហៅហេតុការណ៍នេះថាជាអំពើប្រល័យពូជសាសន៍តែម្ដង។ “នេះគឺជាការប្រល័យពូជសាសន៍របស់ប្រជាជនអ៊ុយក្រែន ហើយនោះជាអ្វីដែលរបបរុស្ស៊ី របបលោកពូទីន កងទ័ពរុស្ស៊ីកំពុងធ្វើ ដោយសម្លាប់ជនស៊ីវិលដោយចងដៃទៅក្រោយខ្នងរបស់ពួកគេ និងបាញ់ចំក្បាលរបស់ពួកគេ”។ សម្ដីរបស់លោក Wladimir Klitschko ៕

អត្ថបទ៖ នរវិទូ