- 2022-03-22 07:28:05
- បាល់ទាត់
ខ្សែប្រយុទ្ធស្វាយរៀងកំពុងលេចធ្លោ Emmanuel ជឿថាឆ្នាំនេះគេអាចរកគ្រាប់បាន…
- 2022-03-22 07:28:05
- ចំនួនមតិ 0 | ចំនួនចែករំលែក 0
ខ្សែប្រយុទ្ធស្វាយរៀងកំពុងលេចធ្លោ Emmanuel ជឿថាឆ្នាំនេះគេអាចរកគ្រាប់បាន…
ចន្លោះមិនឃើញ
កីឡាករកំពុងលេចធ្លោរបស់ក្លឹបព្រះខ័នរាជស្វាយរៀង Mbarga Nkene Emmanuel មានជំនឿចិត្តថា ខ្លួនគេនឹងអាចរកគ្រាប់បាល់បានលើស១០ គ្រាប់ឲ្យក្លឹបរបស់ខ្លួននារដូវកាល២០២២ ក្នុងពានរង្វាន់លីគកំពូលកម្ពុជា ឬ ខេមបូឌានព្រីមៀរលីគ។
កីឡាករពាក់លេខ១០របស់ស្វាយរៀងរដូវកាលនេះបានបង្ហាញទម្រង់លេងយ៉ាងល្អ ពោលរកបាន១គ្រាប់ និងបញ្ជូនបាល់ឲ្យមិត្តរួមក្រុមរកគ្រាប់បាល់បានសម្រេចចំនួន៤ លើក។ បន្ថែមលើសពីនេះគេបានជាប់កីឡាករល្អប្រចាំការប្រកួតចំនួនពីរលើកមកហើយ ក្នុងចំណោមការបង្ហាញខ្លួនចំនួន៣លើកឲ្យព្រះខ័នរាជស្វាយរៀងគិតត្រឹមសប្ដាហ៍ទី៣នៃលីគកំពូលកម្ពុជា។
គេជាកីឡាករសំខាន់នាពេលបច្ចុប្បន្នរបស់ស្វាយរៀង ក្នុងការរួមចំណែកជួយឲ្យស្វាយរៀងឈ្នះ៣ប្រកួតជាប់ៗគ្នានៃលីគកំពូលកម្ពុជា ពោលគឺឈ្នះគីរីវង់សុខសែនជ័យ៣-១ ឈ្នះភ្នំពេញក្រោន ៣-១ និងឈ្នះបឹងកេតកាលពីពេលថ្មីៗនេះ៤-០៕
