- 2022-03-21 07:32:59
- បាល់ទាត់
ម៉ុន វ៉ាន់ដា ៖ បាល់មូលឈ្នះ៣ប្រកួតមិនទាន់ហ៊ានរំពឹងឈ្នះពានទេ
- 2022-03-21 07:32:59
- ចំនួនមតិ 0 | ចំនួនចែករំលែក 0
ម៉ុន វ៉ាន់ដា ៖ បាល់មូលឈ្នះ៣ប្រកួតមិនទាន់ហ៊ានរំពឹងឈ្នះពានទេ
ចន្លោះមិនឃើញ
អតីតខ្សែប្រយុទ្ធបឹងកេត និងទ័ព ម៉ុន វ៉ាន់ដា បញ្ចេញទស្សនៈផ្ទាល់ខ្លួនថា ពានឆ្នាំនេះនៅតែមិនទាន់ហ៊ានរំពឹងទោះឈ្នះ៣ប្រកួតជាប់គ្នា ព្រោះបាល់មូល។
ស្វាយរៀងធ្វើបានយ៉ាងល្អក្នុងលីគកំពូលកម្ពុជា (Cambodian Premier League 2022) ពោលគឺឈ្នះ៣ប្រកួតជាប់គ្នា ស៊ុតបាន១០គ្រាប់ និងរបូតវិញ២គ្រាប់។ ៣ប្រកួតនោះឈ្នះគីរីវង់៣-១ ឈ្នះភ្នំពេញក្រោន ៣-១ និងប្រកួតទី៣ឈ្នះបឹងកេត៤-០។
ក្រោយការប្រកួតខាងលើខ្សែប្រយុទ្ធវ័យ២៥ឆ្នាំបាននិយាយថា «រឿងជេីងឯកយើងមិនទាន់ហ៊ានរំពឹងទុកមុនបានទេបង ព្រោះបាល់មូល តែអ្វីដែលយេីងរំពឹងនោះគឺថា បេីសិនជាក្រុមយេីងនៅតែខ្លាំងបែបនេះរហូតដល់ចប់រដូវកាល យើងនឹងមានឱកាសដណ្ដេីមជេីងឯកបានរដូវកាលនេះ»។
រំលឹកថា ក្នុងចំណោម៣ប្រកួត វ៉ាន់ដា បានចូលលេងជាជម្រើសដំបូងបាន១ប្រកួត បម្រុងមួយប្រកួត និងបានប្ដូរចូលលេង ពេលប៉ះបឹងកេតផងដែរ៕
