/Nationalteam/Nationall-Team4/622969e6eee00_1646881200_medium.jpg)
- 2022-03-10 03:03:09
- បាល់ទាត់
លោក Honda នឹងដឹកនាំយុវជនកម្ពុជាទៅវៀតណាមដោយផ្ទាល់
- 2022-03-10 03:03:09
- ចំនួនមតិ 0 | ចំនួនចែករំលែក 0
លោក Honda នឹងដឹកនាំយុវជនកម្ពុជាទៅវៀតណាមដោយផ្ទាល់
ចន្លោះមិនឃើញ
លោក Keisuke Honda អ្នកចាត់ការក្រុមគោព្រៃកម្ពុជាបច្ចុប្បន្នកំពុងស្ថិតនៅប្រទេសកម្ពុជា ហើយត្រូវបានគេដឹងថា លោកបានធ្វើដំណើរទៅមើលការប្រកួតនានាក្នុងលីគកំពូលកម្ពុជា នឹងបានទៅលេងយុវជននៅបាទីផងដែរកាលពីពេលថ្មីៗនេះ។ ចំណែកការដឹកនាំទៅលេងស៊ីហ្គេមនៅវៀតណាមលោក ក៏ដឹកនាំដោយផ្ទាល់ដូចគ្នា។
លោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជាបានឲ្យដឹងថា អ្នកចាត់ការខាងលើ នឹងដឹកនាំយុវជនកម្ពុជាក្រោមអាយុ២២ឆ្នាំទៅលេងស៊ីហ្គេមនៅវៀតណាមដោយផ្ទាល់។ ត្រង់ការមកដល់កម្ពុជានៅថ្ងៃណានោះលោកមិនទាន់អាចបញ្ជាក់បានទេ។
ចំណែករឿងលោកទៅជប៉ុនវិញនៅពេលណា អគ្គលេខាធិការខាងលើបានប្រាប់ដែរថា លោក Honda នឹងទៅជប៉ុនវិញនៅថ្ងៃទី១១ ស្អែកនេះ។ លោកបានមកដឹកនាំយុវជនក្រោមអាយុ២៣ឆ្នាំកម្ពុជាកាលពីដើមខែកុម្ភៈ ដើម្បីដឹកនាំលេងពាន AFF U23 Championship 2022 ដែលកម្ពុជាធ្វើជាម្ចាស់ផ្ទះ។ ក្រុមបាល់ទាត់យុវជនកម្ពុជាក្រោមអាយុ២២ឆ្នាំ នឹងហោះទៅកាន់ទឹកដីវៀតណាមនៅដើមខែឧសភា ឆ្នាំ២០២២ ដើម្បីទៅចូលរួមប្រកួតកីឡាស៊ីហ្គេម៕
