- 2022-01-20 07:39:42
- បាល់ទាត់
វិភាគ៖ Ronaldo អាចនឹងដើរចេញពី United ប្រសិនបើក្លឹបមិនឈានដល់កម្រិតនេះ
- 2022-01-20 07:39:42
- ចំនួនមតិ 0 | ចំនួនចែករំលែក 0
វិភាគ៖ Ronaldo អាចនឹងដើរចេញពី United ប្រសិនបើក្លឹបមិនឈានដល់កម្រិតនេះ
ចន្លោះមិនឃើញ
Cristiano Ronaldo អាចនឹងដើរចេញពីក្លឹប Manchester United ប្រសិនបើក្លឹបមិនអាចមានកៅអីទៅលេងនៅ Champions League រដូវកាលក្រោយ។
តាមការវិភាគនិងឲ្យដឹងពី The Sun បានចុះផ្សាយថា ក្នុងសប្ដាហ៍នេះមានការពិភាក្សារវាងអ្នកតំណាងរបស់ Ronaldo និងលោក Richard Arnold ដែលនឹងក្លាយជានាយកប្រតិបត្តិថ្មីរបស់ United ចាប់ពីខែក្រោយទៅ។
Ronaldo កំពុងតែបារម្ភពីដំណើររបស់ក្លឹបនាពេលបច្ចុប្បន្នដែលឈរនៅលេខ៧ក្នុងតារាងពិន្ទុ Premier League។ Ronaldo ដែលនឹងឈានដល់វ័យ៣៧ឆ្នាំនៅខែក្រោយមានចេតនាចង់លេងរហូតដល់វ័យ៤០ឆ្នាំ ប៉ុន្តែចង់បញ្ចប់អាជីពរបស់ខ្លួនក្នុងនាមជាអ្នកឈ្នះម្នាក់។ តែពេលនេះការឱកាសមានតិចតួចមែនទែនដែលនឹងអាចកើតឡើងនៅ United។
ក្ដីស្រមៃត្រឡប់មកក្លឹបចាស់របស់ Ronaldo ពេលនេះកំពុងស្ថិតក្នុងសុបិនអាក្រក់ ដោយសារតែក្រុមកំពុងស្ថិតនៅចំណាត់ថ្នាក់លេងនៅពាន Europa Conference League។ ម្ចាស់កំណត់ត្រារកគ្រាប់បានច្រើនជាងគេនៅជម្រើសជាតិ បានមិនពេញចិត្តចំណុចមួយចំនួននៅបិសាចក្រហម។
គេធ្លាប់និយាយថា កីឡាករក្មេងក្នុងក្លឹបមិនព្រមស្ដាប់ដំបូន្មានរបស់កីឡាករចាស់ៗមានបទពិសោធន៍ ដូចជារូបគេជាដើម។ ហើយមើលឃើញពីកង្វះខាតថាមពលរបស់កីឡាករនៅទីតាំងហ្វឹកហាត់ មិនដូចកាលជំនាន់គេលេងនៅ United រវាងឆ្នាំ២០០៣ដល់២០០៩។ ថ្មីៗ Ronaldo ក៏មិនសប្បាយចិត្ត ដែលលោក Ralf Rangnick បានប្ដូរខ្លួនចេញក្នុងជំនួបជាមួយ Brenford ថែមទៀតផង៕