/Nationalteam/Nationall-Team3/61babc0faa722_1639627740_medium.jpg)
- 2021-12-16 04:16:38
- បាល់ទាត់
ក្រោយ៣ប្រកួតកម្ពុជាមានចំណុចវិជ្ជមាន២ក្នុងពាន AFF Suzuki Cup 2020
- 2021-12-16 04:16:38
- ចំនួនមតិ 0 | ចំនួនចែករំលែក 0
ក្រោយ៣ប្រកួតកម្ពុជាមានចំណុចវិជ្ជមាន២ក្នុងពាន AFF Suzuki Cup 2020
ចន្លោះមិនឃើញ
ក្រុមជម្រើសជាតិកម្ពុជាម្សិលមិញនេះបានយកឈ្នះទៅលើក្រុមជម្រើសជាតិឡាវ ៣-០ ក្នុងពានរង្វាន់ AFF Suzuki Cup 2020 ដែលជាការប្រកួតទី៣ ក្នុងវគ្គសន្សំពិន្ទុពូល B របស់កម្ពុជា។
ក្រោយការប្រកួតចំនួន៣លើកកន្លងមកនេះក្រុមកម្ពុជាឈ្នះ១ និងចាញ់ ២ មាន៣ពិន្ទុ ។ បើមើលទៅលើការប្រកួតចំនួន៣លើកកន្លងមកត្រូវបានគេមើលឃើញថាកម្ពុជាមានចំណុចវិជ្ជមាន២ក្នុង ក្នុងពានរង្វាន់ AFF Suzuki Cup 2020។
១-ការបង្កើតឱកាសស៊ុត៖ គ្របគ្នាបានឃើញហើយថា កម្ពុជាអាចបង្កើតឱកាសស៊ុតច្រើនដងមែនទែនកាលពី ម្សិលមិញគឺរហូតដល់ទៅ១៨ ដង(នេះបើតាមស្ថិតិរបស់ AFF) ទល់ក្រុមឡាវ ហើយអាចរកបាន៣គ្រាប់។ ការបង្កើតឱកាសស៊ុត១៨ដងនេះគឺច្រើនខ្លាំងសម្រាប់កម្ពុជា ក្នុងការចូលរួមលេងពាននេះ ដោយកាលពីពេលកន្លងមកត្រូវបានគេមើលឃើញថា កម្ពុជាមិនធ្លាប់បង្កើតឱកាសស៊ុតបានច្រើនដូចពេលនេះឡើយ។
ចំណុចនេះ ៣ប្រកួតកន្លងមកគ្រប់គ្នាក៏បានឃើញហើយថា កាលប៉ះម៉ាឡេស៊ី និងឥណ្ឌូណេស៊ី គឺកម្ពុជាក៏អាចបង្កើតឱកាសស៊ុតបានច្រើនលើកដូចគ្នា
ប៉ះឥណ្ឌូណេស៊ី កម្ពុជាបង្កើតឱកាសស៊ុតបាន១៣លើក
ប៉ះ ម៉ាឡេស៊ី កម្ពុជាបង្កើតឱកាសស៊ុតបានចំនួន១៤លើក
២-ការគ្រប់គ្រងបាល់៖ ចំណុចនេះប្រិយមិត្តក៏បានឃើញដូចគ្នាថា កម្ពុជា មានស្ថិតិល្អកម្រិតណានោះ បើទោះកម្ពុជាចាញ់ឬឈ្នះក៏ដោយ។ ជាក់ស្ដែងកាលប៉ះ ម៉ាឡេស៊ី កម្ពុជា គ្រប់គ្រងបាល់បានរហូតដល់ ៥៦,៩ % និងកាលប៉ះ ឥណ្ឌូណេស៊ី កម្ពុជាគ្របគ្រងបាល់បានចំនួន៥៤,៩ %។
រំលឹកថា កម្ពុជាបានធ្លាក់ចេញពីពាននេះហើយ ក្រោយក្រុមវៀតណាមស្មើក្រុម ឥណ្ឌូណេស៊ី ០-០ កាលពីយប់មិញនេះ៕
