- 2021-12-10 07:41:25
- បាល់ទាត់
គ្រូ Leicester និយាយត្រង់ៗថាអត់ស្គាល់ទេពាន Europa Conference League
- 2021-12-10 07:41:25
- ចំនួនមតិ 0 | ចំនួនចែករំលែក 0
គ្រូ Leicester និយាយត្រង់ៗថាអត់ស្គាល់ទេពាន Europa Conference League
ចន្លោះមិនឃើញ
អ្នកចាត់ការរបស់ Leicester លោក Brendan Rodgers បាននិយាយថា លោកមិនស្គាល់ទេអ្វីទៅជាពាន Europa Conference League បន្ទាប់ពីក្រុមរបស់លោកបានធ្លាក់នៅលេងពានមួយនេះ។
Leicester City បានប្រកួតចាញ់ក្រុមខ្លាំងមកពីអ៊ីតាលី Napoli ៣-២ ធ្វើឲ្យពួកគេស្ថិតនៅចំណាត់ថ្នាក់លេខ៣ពូល C ពានរង្វាន់ Europa League។ ដោយចំណាត់ថ្នាក់នេះ Leicester ត្រូវធ្លាក់ទៅលេងពានលំដាប់ទី៣នៃទ្វីបអឺរ៉ុប Europa Conference League។
យ៉ាងណាមិញ ក្រោយដឹកក្រុមរបស់ខ្លួនធ្លាក់លោក Brendan Rodgers បាននិយាយត្រង់ៗថា មិនស្គាល់ពានមួយនេះឡើយ។ សាកសួរពីលទ្ធភាពឈ្នះពាន Europa Conference League លោក Rodgers បាននិយាយថា៖ “ខ្ញុំនិយាយឲ្យស្មោះត្រង់ទៅ ខ្ញុំពិតជាមិនដឹងថាកម្មវិធីនេះជាអ្វីទេ។ ខ្ញុំបានផ្ដោតលើពាន Europa League និងការឈ្នះក្នុងពូលនេះ ឬយ៉ាងហោចណាស់បញ្ចប់ត្រឹមចំណាត់ថ្នាក់លេខ២។ ដូច្នេះដោយការគោរពជាមួយកម្មវិធី ខ្ញុំពិតជាមិនដឹងថា វាជាកម្មវិធីអ្វីទេ។ ប៉ុន្តែខ្ញុំប្រាកដណាស់ ខ្ញុំស្វែងយល់នៅពេលឆាប់ៗ”៕
