តោះ!ស្គាល់ខ្សែប្រយុទ្ធចាស់វស្សាម៉ាឡេស៊ីរូបនេះហេតុអីជាមុខសញ្ញាគ្រោះថ្នាក់របស់កម្ពុជា?

2021-12-03 07:15:59
បាល់ទាត់

2021-12-03 07:15:59
ចំនួនមតិ 0 | ចំនួនចែករំលែក 0

ចន្លោះមិនឃើញ

Guilherme de Paula Lucrécio ជាខ្សែប្រយុទ្ធចាស់វស្សារបស់ក្រុមជម្រើសជាតិម៉ាឡេស៊ី ដែលមានវ័យ៣៥ឆ្នាំទៅហើយ ប៉ុន្តែគេជាមុខសញ្ញាគ្រោះថ្នាក់មួយសម្រាប់កម្ពុជា ដោយសារសមត្ថភាព និងបទពិសោធបញ្ចប់ទីច្រើនក្រាស់ក្រែលលើទីលាន។ ដើម្បីឲ្យប្រិយមិត្តស្គាល់គេឲ្យច្បាស់ពេលនេះ Sabay សូមធ្វើការបង្ហាញប្រវត្តិខ្លះជូន៖

Guilherme de Paula Lucrécio  ជាកីឡាករដែលកើតនៅប្រទេសប្រេស៊ីល ទីក្រុងសៅប៉ូឡូ ប្រទេសប្រេស៊ីល ដែលមានវ័យ៣៥ឆ្នាំទៅហើយ។ កីឡាកររូបនេះគឺជាខ្សែប្រយុទ្ធពាក់លេខ៩របស់ក្លឹបកំពូលម៉ាឡេស៊ី Johor darul takzim ដែលក្លឹបនេះត្រូវបានគេដឹងថា តែងលេចមុខក្នុងកម្មវិធីប្រកួត AFC Champions League ។

រដូវកាលនេះគេទើបតែបង្ហាញខ្លួនបាន៣ប្រកួតប៉ុណ្ណោះ និងរកបាន១គ្រាប់ផងដែរ សម្រាប់ការលេងឲ្យជម្រើសជាតិម៉ាឡេស៊ីវិញ គឺទើបតែបានលេងនៅឆ្នាំ២០២១ នេះប៉ុណ្ណោះ និងចូលលេងបាន៥ ប្រកួតរកបាន១គ្រាប់។ ឆ្នាំដែលគេឡើងខ្លាំងបំផុតគឺនៅចន្លោះ២០១៧-២០១៩ ដែលពេលនេះគេចូលលេង៥៧ ប្រកួតរកបានរហូត៤៨ គ្រាប់ឲ្យក្លឹប Kuala Lampur City FC របស់ប្រទេសម៉ាឡេស៊ី។

បើសួរថា តើខ្សែប្រយុទ្ធរូបនេះល្អត្រង់ចំណុចណា ចម្លើយនោះគឺគេអាចបញ្ចប់ទីបានច្បាស់ និងការចែកបាល់ច្បាស់ មួយៗដែលរបៀបជាអ្នកនាំលេងបើទោះវ័យហាក់ជ្រេបន្តិចហើយមែន។ ចំណុចពិសេសមួយទៀតដែលជារឿងបារម្ភសម្រាប់កម្ពុជា គឺបាល់លើ ពីព្រោះខ្សែប្រយុទ្ធរូបនេះមានកម្ពស់ខ្ពស់ពោលគឺ១,៨៥ ម៉ែត្រ។

ក្រុមជម្រើសជាតិកម្ពុជា នឹងប៉ះក្រុមជម្រើសជាតិម៉ាឡេស៊ីនៅវេលាម៉ោង៤:៣០ នាទីថ្ងៃទី៦ ខែធ្នូ ឆ្នាំ២០២១ នៅទឹកដីប្រទេសសិង្ហបុរី ៕

អត្ថបទ៖ ស្រី សុវណ្ណដារ៉ា