- 2021-12-02 03:25:20
- បាល់ទាត់
Pep ថា Bernardo Silva ល្អជាងគេបំផុតនៅ EPL ក្រោយជួយខ្លួនបង្កើតបានកំណត់ត្រាថ្មី១
- 2021-12-02 03:25:20
- ចំនួនមតិ 0 | ចំនួនចែករំលែក 0
Pep ថា Bernardo Silva ល្អជាងគេបំផុតនៅ EPL ក្រោយជួយខ្លួនបង្កើតបានកំណត់ត្រាថ្មី១
ចន្លោះមិនឃើញ
លោក Pep Guardiola អ្នកចាត់ការក្រុមមេឃខៀនបាននិយាយថា ខ្សែបម្រើ Bernardo Silva ជាកីឡាករល្អជាងគេបំផុតនៅ Premier League ក្រោយខ្សែកីឡាកររូបនេះទាត់បាល់ Volley មួយជើងយ៉ាងស្អាតជួយឲ្យ Manchester City យកបាន៣ពិន្ទុពី Aston Villa និងបង្កើតកំណត់ត្រាថ្មីមួយជូនអ្នកចាត់ការសញ្ជាតិអេស្ប៉ាញ។
ក្រុមមេឃខៀវកាលពីយប់មិញបានយកឈ្នះទៅលើក្រុម Aston ដោយលទ្ធផល២-១ ដែលជ័យជម្នះនេះធ្វើឲ្យលោក Pep បង្កើតបានកំណត់ត្រាឈ្នះលើកទី១៥០ នៅ EPL ។ ក្នុងការប្រកួតនោះលោកបានសរសើរទៅកាន់ Bernardo ថា ជាកីឡាករល្អបំផុតម្នាក់នៅអង់គ្លេស និងជាកីឡាករដែលល្អបំផុតម្នាក់ចំនួន៣រដូវកាលរួចមកហើយគិតចាប់ពីបានជួយក្រុមឲ្យឈ្នះពាន EPL ជាមួយពិន្ទុ៩៨មក ។ លោកបន្ថែមថា Bernardo តែងតែធ្វើបានល្អបំផុតជាមួយអ្វីដែលគាត់ចង់ធ្វើនៅលើទីលាន។
អ្នកចាត់ការខាងលើបញ្ជាក់ទៀតថា ប្រសិនបើគ្រប់គ្នាក្រឡេកទៅមើល Bernardo ពីរឬបីរដូវកាលមុន អ្នកនឹងឃើញថា គាត់ល្អដូចជាពេលនេះយ៉ាងដូច្នេះដែរ។ ពោលគឺទាំងការបញ្ជូនបាល់ និងការបញ្ចប់ទីគឺពិតជាអស្ចារ្យមែនទែន៕