/Folder-6/61a4326d43bf8_1638150720_medium.jpg)
- 2021-11-29 01:56:42
- បាល់ទាត់
Ramos ថា Messi សមនឹងឈ្នះ Ballon dÓr ឆ្នាំនេះ
- 2021-11-29 01:56:42
- ចំនួនមតិ 0 | ចំនួនចែករំលែក 0
Ramos ថា Messi សមនឹងឈ្នះ Ballon dÓr ឆ្នាំនេះ
ចន្លោះមិនឃើញ
ខ្សែការពារ Sergio Ramos បាននិយាយថាពានរង្វាន់ Ballon dÓr នៅឆ្នាំនេះ អាចនឹងធ្លាក់ទៅលើដៃរបស់មិត្តរួមក្រុម Lionel Messi ហើយ។
Ramos តាំងពីផ្លាស់មកចូលរួមជាមួយក្រុម PSG មក រួបគេទើបតែបានបង្ហាញខ្លួនប្រកួតដំបូងនៅយប់មិញនេះទេ ដែលបានជួយក្រុមឈ្នះលើក្រុម Saint-Etienne ក្នុងលទ្ធផល ៣-១ នៅលីគកំពូលបារាំង។ ក្រោយពីបានចូលលេងប្រកួតដំបូងនេះមក Ramos ក៏បានបង្ហាញចំណាប់អារម្មណ៍ជាច្រើនទាក់ទងទៅនឹងមិត្តរួមក្រុម ជាពិសេស Messi ផងដែរ។
Ramos បាននិយាយថា៖ “Messi គាត់ជាកីឡាករល្អ ខ្ញុំគិតថាគាត់ជាកីឡាករម្នាក់ដែលអាចផ្លាស់ប្ដូរការប្រកួតបាន។ គាត់ជាកីឡាករឆ្នើមម្នាក់ ហើយវាជារឿងល្អដែលមានគាត់ក្នុងក្រុម។ រឿង Ballon dÓr ? បាទ ច្បាស់ណាស់ Messi សមនឹងឈ្នះវា ហើយខ្ញុំនឹងនិយាយការពារមនុស្សក្នុងក្រុមរបស់ខ្ញុំ។ ខ្ញុំជូនពរគាត់សំណាងល្អ”។
រំលឹកថាការប្រកាសអ្នកឈ្នះពានរង្វាន់ Ballon dör នៅឆ្នាំនេះ នឹងធ្វើឡើងនៅល្ងាចនេះហើយក្នុងប្រទេសបារាំង។ ពេលនេះ មានតែបេក្ខភាព២នាក់ប៉ុណ្ណោះដែលត្រូវបានគេមើលឃើញថាមានភាគរយច្រើនជាងគេ ក្នុងនោះមាន Messi និង Lewandoski របស់ Bayern Munich ៕
