- 2021-11-24 02:19:05
- បាល់ទាត់
គ្រូ Benfica ស្ទើរផុតដង្ហើមក្រោយខ្សែប្រយុទ្ធខ្លួនធ្វើឲ្យខកឱកាស៣ពិន្ទុពី Barca បាល់គ្មានអ្នកចាំទី
- 2021-11-24 02:19:05
- ចំនួនមតិ 0 | ចំនួនចែករំលែក 0
គ្រូ Benfica ស្ទើរផុតដង្ហើមក្រោយខ្សែប្រយុទ្ធខ្លួនធ្វើឲ្យខកឱកាស៣ពិន្ទុពី Barca បាល់គ្មានអ្នកចាំទី
ចន្លោះមិនឃើញ
លោក Jorge Jesus គ្រូបង្វឹករបស់ Benfica បានសម្ដែងការខកចិត្តយ៉ាងខ្លាំងក្រោយខ្សែប្រយុទ្ធរបស់ខ្លួន Haris Seferović ធ្វើឲ្យខកខានឱកាសយក៣ពិន្ទុពី Barcelona កាលពីយប់មិញក្នុងការប្រកួតសន្សំពិន្ទុពានរង្វាន់ UEFA Champions League ដែលបាល់នោះនៅនាទីទី៩០+ ថែមទាំងបានញាក់ផុតអ្នកចាំទីទៅហើយ ប៉ុន្តែបែរជាឈូសបញ្ចូលទីខុសគោលដៅទៅវិញ។
តាមពិតទៅគ្រាប់បាល់មួយគ្រាប់នោះបើសិនជាខ្សែប្រយុទ្ធខាងលើឈូសចំគោលដៅគឺយកបាន៣ពិន្ទុពី Barca ទៅហើយ ។ ប៉ុន្តែបែរជាធ្វើឲ្យខកខាន និងអាចឲ្យ Benfica មានភាគរយកាន់តែច្រើនក្នុងការឡើងទៅកាន់វគ្គបន្តបើសិនបាន៣ពិន្ទុយប់មិញនោះ។
យ៉ាងណា Barcelona ក៏នៅតែមានភាពលំបាកក្នុងការឡើងទៅកាន់វគ្គបន្តដោយសារពួកគេនៅសល់ប្រកួតចុងក្រោយត្រូវលេងទល់ក្រុមខ្លាំង Bayern Munich នៅទឹកដីរបស់ Bayern ថែមទៀតផង។ ខណៈដែលពិន្ទុបច្ចុប្បន្ន Barcelona មាន៧ ពិន្ទុ ស្របពេល Benfica មាន៥ពិន្ទុខុសគ្នាតែ២ពិន្ទុប៉ុណ្ណោះ។ ចំណុចនេះបើសិន Benfica អាចស៊ី Dinamo Kiev ក្នុងដីខ្លួនឯងនៅប្រកួតចុងក្រោយនោះគេនឹងឡើង បើសិន Barcelona មិនអាចឈ្នះ Bayern ៕