/617f9c2b90ac7_1635753000_medium.jpg)
- 2021-11-01 07:54:42
- បាល់ទាត់
អ្នកគាំទ្របាញ់ Ole ថាចម្លងទម្រង់លេងរបស់ Conte ដើម្បីរក្សាតំណែងនៅ United
- 2021-11-01 07:54:42
- ចំនួនមតិ 0 | ចំនួនចែករំលែក 0
អ្នកគាំទ្របាញ់ Ole ថាចម្លងទម្រង់លេងរបស់ Conte ដើម្បីរក្សាតំណែងនៅ United
ចន្លោះមិនឃើញ
លោក Ole Gunnar Solskjaer បានរួចផុតពីសម្ពាធមួយកាំ បន្ទាប់ពីផ្លាស់ប្ដូរទម្រង់លេងយកឈ្នះលើក Spurs កាលពីចុងសប្ដាហ៍ ៣-០ ពានរង្វាន់ Premier League។
តំណែងលោក Ole ត្រូវបានគេមើលឃើញថានឹងមានបញ្ហាប្រសិនបើដឹកនាំចាញ់ Spurs។ ជាមួយគ្នានេះអ្នកចាត់ការ Antonio Conte ដែលកំពុងគ្មានក្លឹបកាន់ ជាបេក្ខភាពដែលអាចមកជំនួសកន្លែងលោក Ole នៅ Man United។
យ៉ាងណាមិញ ក្នុងការប្រកួតទល់នឹង Spurs អ្នកចាត់ការសញ្ជាតិន័រវែសបានប្ដូរទម្រង់លេងមក ៣-៥-២ វិញ ដែលជាទម្រង់របស់លោក Conte ប្រើជាញឹកញយ។ Mason Greenwood មិនបានជាប់ក្រុមជម្រើសដំបូងឡើយ ខណៈ Pogba ក៏មិនបានលេងដូចគ្នាដោយសារជាប់កាតក្រហម។
ទម្រង់លេងថ្មីនេះពិតជាមានប្រសិនភាព ស្របពេល Cristiano Ronaldo សហការប្រយុទ្ធជាមួយ Edinson Cavani បានយ៉ាងល្អ ជួយបិសាចក្រហមឈ្នះដល់ទៅ៣-០។ ប៉ុន្តែការប្ដូរទម្រង់លេងនេះ អ្នកគាំទ្រជាច្រើនបានចំអកដល់ Ole ថាចម្លងតាមលោក Conte ទៅវិញ៕
