/6177e6de2658b_1635247800_medium.jpg)
- 2021-10-26 11:33:30
- បាល់ទាត់
Solskjaer អាចនឹងបន្តដឹកនាំ Man Utd ដដែលទោះរងសម្ពាធខ្លាំង ក្រោយចាញ់ ៥-០
- 2021-10-26 11:33:30
- ចំនួនមតិ 0 | ចំនួនចែករំលែក 0
Solskjaer អាចនឹងបន្តដឹកនាំ Man Utd ដដែលទោះរងសម្ពាធខ្លាំង ក្រោយចាញ់ ៥-០
ចន្លោះមិនឃើញ
លោក Ole Gunnar Solskajer ត្រូវបានសារព័ត៌មានជាច្រើនចុះផ្សាយថា អាចនឹងបន្តដឹកនាំក្លឹប Manchester United ដដែលទោះរងសម្ពាធខ្លាំងពីអ្នកគាំទ្រ ក្រោយចាញ់ក្លឹប Liverpool ៥-០ កាលពីថ្ងៃទី២៤ ខែតុលា ឆ្នាំ២០២១កន្លងទៅ។ នេះបើយោងតាម Sky Sports ។
បើតាមប្រភពដដែលនេះបានឲ្យដឹងថា ក្រោយដឹកនាំមិនទទួលបានលទ្ធផលទីគាប់ចិត្តជាច្រើនលើក និងជាពិសេសចាញ់ប្រកួតបាក់មុខនឹង Liverpool ថ្មីៗនេះ លោក Ole ត្រូវបានអ្នកគាំទ្រ និងអ្នកវិភាគបាល់ទាត់ជាច្រើន មិនពេញចិត្តនឹងទម្រង់ដឹកនាំនិងចង់ឲ្យចាកចេញពីតំណែង។ ជាពិសេសទៅទៀតផងដែរនោះគឺថា កីឡាករមួយចំនួននៅក្រុមលោក ចាប់ផ្ដើមអស់ទំនុកចិត្តនឹងទម្រង់នៃការដឹកនាំ។
យ៉ាងណាក្ដីទោះជាទទួលរងសម្ពាធធ្ងន់ធ្ងរបែបនេះ តំណែងរបស់លោក Ole មិនត្រូវបានគំរាមកំហែងដោយខាងផ្ទៃក្នុងរបស់ Man Utd នៅឡើយទេ ដោយពួកគេជឿជាក់ថាអ្នកចាត់ការរូបនេះនឹងធ្វើឲ្យស្ថានការណ៍ក្លឹបមកល្អប្រសើរ។
បើយោងតាម Goal នៅក្នុងសប្ដាហ៍នេះ លោក Ole នៅបន្តធ្វើការងារលោកដដែល ដោយបានដឹកនាំក្រុមត្រៀមប្រកួតជាមួយ Spurs នៅថ្ងៃទី៣០ ខែតុលា ឆ្នាំ២០២១នេះ៕
