CNCC បញ្ជាក់ពីការបញ្ចប់ Hun Sen Cup ថ្នាក់ខេត្តក្នុងបរិបទកូវីដ-១៩

2021-10-26 03:46:08
បាល់ទាត់

2021-10-26 03:46:08
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី២៣ ខែតុលា ឆ្នាំ២០២១ ឯកឧត្តម ឌី វិជ្ជា ប្រធានគណៈកម្មការនាយក នៃគណៈកម្មការប្រកួតបាល់ទាត់ជាតិកម្ពុជា (CNCC) បានអញ្ជើញចូលរួម និងប្រគល់ពានឯកត្តជន ក្នុងកម្មវិធីប្រកួតផ្តាច់ព្រ័ត្រពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៥ ឆ្នាំ២០២១ (ថ្នាក់ខេត្ត)។

សម្រាប់រដូវកាល២០២១ នេះក្រុមដែលទទួលបានជ័យលាភីជើងឯក ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៥ ឆ្នាំ២០២១ (ថ្នាក់ខេត្ត) គឺ ក្រុម កោះកុងអេហ្វស៊ី ចំណែកក្រុមមន្ទីរអប់រំយុវជន និងកីឡាខេត្តត្បូងឃ្មុំ ទទួលបានចំណាត់ថ្នាក់លេខ២ ហើយក្រុមខេត្តបន្ទាយមានជ័យ ទទួលបានចំណាត់ថ្នាក់លេខ៣ផងដែរ។

ពានរង្វាន់សម្តេចអគ្គមហាសេនាបតីតេជោ ហ៊ុន សែន ត្រូវបានរៀបចំឡើងតាំងពីឆ្នាំ ២០០៧ ជារៀងរាល់ឆ្នាំ ហើយរដូវកាល ២០២១ នេះ ជារដូវកាលទី១៥។ ចាប់តាំងពីឆ្នាំ២០១៨ រហូតដល់បច្ចុប្បន្ន ការប្រកួតបែងចែកជា២ គឺ ពានរង្វាន់ ថ្នាក់ខេត្ត និងថ្នាក់ជាតិ។

ការប្រកួតពានរង្វាន់សម្តេចអគ្គមហាសេនាបតីតេជោ ហ៊ុន សែន ថ្នាក់ខេត្ត ក្នុងឆ្នាំ២០២១ នេះ ត្រូវបានចាប់ផ្តើមប្រកួតនៅថ្ងៃទី១៦ ខែកុម្ភៈ ឆ្នាំ២០២១ និងមានក្រុមតំណាងរាជធានីខេត្តចំនួន២១ បានចូលរួមនាដើមរដូវកាល តែដោយបញ្ហាកូវីដ-១៩ ឆ្នាំ២០២១ ការប្រកួតក៏បានផ្អាកមួយរយៈពេល។

ដល់ពេលវេលាដែលកម្មវិធីប្រកួតអាចចាប់ផ្តើមដំណើរការវិញនោះ គណៈកម្មការក៏បានប្រជ៉ំជាមួយក្រុមទាំងអស់ពិភាក្សារួមគ្នា ដើម្បីពិនិត្យលើស្ថានភាពជាក់ស្តែងក្នុងមូលដ្ឋានរបស់ក្រុមនិមួយៗ ថាអាចបន្តចូលរួម ឬយ៉ាងណា ហើយក៏ទទួលបានការបញ្ជាក់ពីក្រុមចំនួន៨ បន្តការចូលរួមប្រកួត។

ដូច្នេះគណៈកម្មការប្រកួតបាល់ទាត់ជាតិកម្ពុជា (CNCC) បានដំណើរការការប្រកួតឡើងវិញនៅថ្ងៃទី៣ ខែតុលា ឆ្នាំ២០២១ រហូតដល់វគ្គផ្តាច់ព្រ័ត្រនៅថ្ងៃទី២៣ ខែតុលា ឆ្នា២០២១ ដែលបានបញ្ចប់ទៅដោយសុវត្ថិភាព និងជោគជ័យក្នុងបរិបទកូវីដ-១៩ ជិតពីរឆ្នាំមកនេះ៕