- 2021-10-20 13:47:40
- បាល់ទាត់
Benzema អត់ទៅបំភ្លឺនៅតុលការករណីរឿងអាស្រូវថតវីដេអូ
- 2021-10-20 13:47:40
- ចំនួនមតិ 0 | ចំនួនចែករំលែក 0
Benzema អត់ទៅបំភ្លឺនៅតុលការករណីរឿងអាស្រូវថតវីដេអូ
ចន្លោះមិនឃើញ
ខ្សែប្រយុទ្ធ Karim Benzema មិនបានចូលខ្លួនក្នុងតុលាទីក្រុង Versailles ប្រទេសបារាំង នៅក្នុងថ្ងៃនេះ ក្នុងការជំនុំជម្រះរឿងក្ដីពាក់ព័ន្ធនឹងកីឡាកររូបនេះ ត្រូវបានចោទប្រកាន់ថា បានចូលរួមគំរាមទម្លាយវីដេអូរួមរ័កអតីតមិត្តរួមក្រុមជម្រើសជាតិបារាំងខ្លួនគឺ ខ្សែបម្រើ Mathieu Valbuena កាលពីឆ្នាំ២០១៥។ នេះបើយោងតាម CNN ។
ប្រសិនបើជាតុលាពិតជារកឃើញ Benzema ពាក់ព័ន្ធរឿងហ្នឹងមែន គេនឹងអាចជាប់គុក ៥ឆ្នាំ និងបង់ពិន័យជាង ៨៧,០០០ដុល្លារ។
មេធាវីរបស់ Benzema បានលើកឡើងថាមូលហេតុ ដែលគេអវត្តមាននៅក្នុងថ្ងៃនេះគឺដោយសារតែជាប់បំពេញកាតព្វកិច្ចក្នុងអាជីពបាល់ទាត់របស់គេ។
រឿងរ៉ាងខាងលើនេះកើតតាំងពី ខែមិថុនា ឆ្នាំ២០១៥កន្លងមកដោយកំពុងហ្វឹកហាត់សុខៗ Valbuena ត្រូវបានជនមិនស្គាល់មុខតេទូរស័ព្ទមកណាត់ជួប ដែលតម្រូវឲ្យកីឡាករបាល់ទាត់ម្នាក់ ដែលខ្លួនទុកចិត្តយកលុយឲ្យគេ ជាថ្នូរមិនទម្លាយវីដេអូរួមរ័ករបស់ខ្សែបម្រើរូបនេះទៅកាន់សាធារណៈ។ លុះក្រោយមក Benzema ក៏ពាក់ព័ន្ធរឿងនេះ និងបានទទូចឲ្យ Valbuena បង់លុយទៅជនមិនស្គាល់មុខនោះ។
លុះសម្រេចសម្រួលចុងក្រោយ Valbuena មិនព្រម និងបានប្ដឹងទៅប៉ូលិស ហើយក៏ចាប់បានខ្លួនជនមិនស្គាល់មុខ៤នាក់ ដែលសង្ស័យបានធ្វើរឿងនេះ រីឯ Benzema ក៏ត្រូវបានចោទពាក់ព័ន្ធក្នុងការឃុបឃិតរឿងគំរាមទម្លាយវីដេអូរួមរ័កនេះផងដែរ ប៉ុន្តែខ្សែប្រយុទ្ធរូបបដិសេធរហូតមក៕