អង្កការផ្កាយសមុទ្រ នឹងចាប់ឆ្នោតផ្សងសំណាងអាវកីឡាដែលមានហត្ថលេខាកីឡាករ Spurs គ្រប់គ្នា

2021-10-15 07:30:21
បាល់ទាត់

2021-10-15 07:30:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោមកិច្ចសហការជាមួយនឹង AIA Cambodia អង្គការផ្កាយសមុទ្រកម្ពុជា នឹងរៀបចំកម្មវិធីរៃអង្កាសថវិកាមួយដោយលក់សំបុត្រចូលរួមផ្សងសំណាង ដែលមានរយៈពេលមួយខែ ដែលអ្នកមានសំណាងនឹងទទួលបានអាវកីឡាករពាក់ក្នុងការប្រកួតកាលពីខែឧសភា តទល់នឹងក្លឹប Sheffield United ពីក្លឹបបាល់ទាត់ TottenhamHotspur។

អាវកីឡារចនាដ៏ពិសេសនេះត្រូវបានចុះហត្ថលេខាដោយកីឡាករ ទាំងអស់ក្នុងក្រុមដំបូងគេរបស់ក្លឹប THFC ប្រចាំឆ្នាំ ២០២០-២០២១ ដែលរំលេចដោយភាសាខ្មែរ" ពីកម្ពុជាដោយ AIA" ជាមួយនឹងនិមិត្តសញ្ញារបស់អង្គការផ្កាយសមុទ្រកម្ពុជានៅផ្ទៃខាងមុខទៀតផង។ សំបុត្រចូលរួមកម្មវិធី Raffle អាចជាវបានចាប់ពីទឹកប្រាក់យ៉ាងតិច ១ដុល្លារ និងអាចជាវបានតាមបីរបៀប។

តាមអនឡាញ តាមរយៈតំណភ្ជាប់ isfcambodia
តាមរយៈធនាគារ ABA គណនីលេខ 002345589 ឈ្មោះគណនី Indochina Starfish Foundation
តាមរយៈ Pi Pay លេខទូរស័ព្ទ 098 977 981 គណនីឈ្មោះ ISF Cambodia

លក្ខខណ្ឌក្នុងការចូលរួមត្រូវបានអនុវត្ត៖

សំបុត្រចូលរួមកម្មវិធី Raffle អាចជាវបានចាប់ពីទឹកប្រាក់យ៉ាងតិច ១ដុល្លារ ។
សំបុត្រអាចរកជាវបាន តាមរយៈទម្រង់សម្រាប់ជាវខាងក្រោម និងតាមកម្មវិធីទូរស័ព្ទរបស់ធនាគារ ABA រឺ Pi Pay ជាដើម ។
អ្នកចូលរួមអាចជាវសំបុត្របានច្រើនសន្លឹកក្នុងពេលតែមួយ ។ ឧទាហរណ៍ មួយប្រតិបត្តិការសម្រាប់ទឹកប្រាក់ ១០ដុល្លារនឹងជាវបានសំបុត្រចំនួន១០សន្លឹក ។
អ្នកចូលរួមត្រូវតែបញ្ចូលនូវអ៊ីម៉ែល រឺលេខទូរស័ព្ទឲ្យបានត្រឹមត្រូវ ។ ប្រសិនបើអ្នកឈ្នះមិនបានផ្តល់នូវអ៊ីម៉ែល និងលេខទូរស័ព្ទត្រឹមត្រូវនោះទេ រង្វាន់នឹងត្រូវបានផ្តល់ជូនអ្នកឈ្នះបន្ទាប់ ។
បន្ទាប់ពីជាវសំបុត្រ ១សន្លឹកក្នុងទឹកប្រាក់ ១ដុល្លាររួចហើយ អ្នកចូលរួមនឹងទទួលបានសំបុត្រ២សន្លឹកបន្ថែមទៀត ដោយគ្រាន់តែបំពេញលក្ខខណ្ឌពីរខាងក្រោម:
ទទួលបានសំបុត្រ១សន្លឹក ដោយចុច follow page របស់អង្គការផ្កាយសមុទ្រកម្ពុជា និងលើ page របស់ក្រុមហ៊ុន អេ អាយ អេ ខេមបូឌា លើ Facebook, Instagram រឺ Twitter និង tag មិត្តភក្តិពីរនាក់ ។
ទទួលបានសំបុត្រ១សន្លឹក ដោយចែករំលែក posts ទាក់ទងនឹងកម្មវិធី “ISF Raffle” លើ page អង្គការផ្កាយសមុទ្រកម្ពុជា រឺ លើ page របស់ក្រុមហ៊ុន អេ អាយ អេ ខេមបូឌា ទៅដាក់លើ Facebook, Instagram រឺ Twitter របស់អ្នក ។
ការចាប់ឆ្នោតស្វែងរកអ្នកមានសំណាងនឹងប្រព្រឹត្តទៅថ្ងៃសុក្រ ទី១២ ខែវិច្ឆិកាខាងមុខនេះ ហើយអ្នកឈ្នះនឹងទទួលពត៌មានតាមអ៊ីម៉ែល និង/រឺតាមទូរស័ព្ទ ហើយនឹងត្រូវបានប្រកាសតាមបណ្តាញសង្គមផងដែរ ។

អត្ថបទ៖ ប្រុស យុទ្ធ