- 2021-09-23 07:08:36
- បាល់ទាត់
លោក Conor Nestor សរសើរប្អូនប្រុស Privat ថាជាកីឡាករមានទេពកោសល្យ
- 2021-09-23 07:08:36
- ចំនួនមតិ 0 | ចំនួនចែករំលែក 0
លោក Conor Nestor សរសើរប្អូនប្រុស Privat ថាជាកីឡាករមានទេពកោសល្យ
ចន្លោះមិនឃើញ
នៅជុំទី២ប្អូនប្រុសបង្កើតរបស់ Privat ខ្សែប្រយុទ្ធ Emmanuel Mbarga មានឱកាសបានបង្ហាញខ្លួនជាលើកដំបូង ហើយថែមទាំងរកបាន១គ្រាប់ ជួយឱ្យក្រុមព្រះខ័នរាជស្វាយរៀងឈ្នះភ្នំពេញក្រោន ១-០ នៅកីឡដ្ឋានខេត្តស្វាយរៀង។
រកបាន១គ្រាប់ជ័យជម្នះ និងបង្ហាញគុណផលដ៏ល្អនៅលើទីលាន កីឡាកររូបនេះត្រូវបានលោក Conor Nestor គ្រូបង្វឹកឡើកសរសើរថាជាកីឡាករដ៏មានទេពកោសល្យ និងមិនពិបាកសម្របខ្លួនជាមួយក្រុមលោកឡើយ។
លោក Nestor បានបន្តទៀតថា Emmanuel ដែលធ្លាប់លេងឱ្យក្រុមជម្រើសជាតិអាយុក្រោម២១ឆ្នាំកាមេរូន ធ្លាប់លេងឱ្យក្លឹប Águedaប្រទេសព័រទុយហ្គាល់ និងក្លឹប Tours FC ប្រទេសបារាំង មានបច្ចេកទេសខ្ពស់ មានល្បឿនលឿន និងអត្តចរិតល្អ អាចជួយក្រុមក្នុងការការពារ។ អ្វីដែលសំខាន់នោះគេអាចបង្ហាញសមត្ថភាពយ៉ាងល្អ ក្នុងពេលវេលាដ៏សមស្របមួយ ហើយគេពិតជាធ្វើបានល្អក្នុងការប្រកួតដំបូង កាលពីថ្ងៃទី១៨ កញ្ញា ២០២១ ដែលកាលនោះពួកគេឈ្នះភ្នំពេញក្រោន ១-០។
មិនតែប៉ុណ្ណោះក្នុងជំនួបឈ្នះណាហ្គាវើលដ៍ ២-១ កាលពីម្សិលមិញនៅកីឡដ្ឋានស្តាតចាស់ Emmanuel ក៏ធ្វើបានល្អមិនធម្មតាដែរ បើទោះបីគេមិនអាចរកគ្រាប់បាល់បានក៏ដោយ។ វត្តមានរបស់គេកាន់តែធ្វើឱ្យក្រុមព្រះខ័នរាជស្វាយរៀងមុតស្រួចនិងមានគុណភាព៕
