- 2021-09-02 02:14:28
- បាល់ទាត់
បាន ជាវៃ «ខ្ញុំមានថ្ងៃនេះដោយសារបាល់ទាត់ ខ្ញុំតស៊ូណាស់ក្នុងនាមជីវិតរស់ក្នុងមណ្ឌលកុមារកំព្រា»
- 2021-09-02 02:14:28
- ចំនួនមតិ 0 | ចំនួនចែករំលែក 0
បាន ជាវៃ «ខ្ញុំមានថ្ងៃនេះដោយសារបាល់ទាត់ ខ្ញុំតស៊ូណាស់ក្នុងនាមជីវិតរស់ក្នុងមណ្ឌលកុមារកំព្រា»
ចន្លោះមិនឃើញ
ប្រធានក្រុមបាល់ទាត់នារីរបស់ភ្នំពេញក្រោន បាន ជាវៃ ជាអតីតក្មេងរស់នៅក្នុងមណ្ឌលកុមារកំព្រាមួយនៅខេត្តបាត់ដំបង បច្ចុប្បន្នបានជាប់ជម្រើសជាតិបាល់ទាត់នារី ហើយនឹងត្រូវទៅហាត់នៅចិននៅចុងខែកញ្ញានេះចំនួន៣ខែ ដើម្បីត្រៀមការប្រកួតស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
ក្មេងកំព្រាទាំងម្ដាយ និងឪពុករូបនេះបានឲ្យនិយាយ «ខ្ញុំមានថ្ងៃនេះដោយសារបាល់ទាត់ ខ្ញុំតស៊ូណាស់ក្នុងនាមជីវិតរស់ក្នុងមណ្ឌលកុមារកំព្រា»។ កីឡាការិនីវ័យ២៥ឆ្នាំរូបនេះបានចូលហាត់បាល់ទាត់នៅភ្នំពេញក្រោនបានចំនួន៤ឆ្នាំហើយ អ្វីដែលពិសេសសម្រាប់កូនអ្នកបាត់ដំបងគឺទទួលបានឱកាសរៀននៅសាលាបច្ចេកទេសថែទាំវេជ្ជសាស្ត្រសុខាភិបាលផ្នែកព្យាបាលដោយចលនា ដែលទទួលបានការជួយទាំងស្រុងពីក្លឹបភ្នំពេញក្រោន។
ជាវៃ បានចាប់ផ្ដើមលេងបាល់ទាត់ជាមួយក្រុមមួយរបស់ខេត្តបាត់ដំបងគឺ Might Girl ចន្លោះឆ្នាំ២០១០ ដល់២០១៥ ដែលក្រុមនេះគឺលេងពេលខ្លួនកំពុងស្ថិតនៅក្នុងមណ្ឌលកុមារកំព្រាខេត្តបាត់ដំបង។ ក្រោយពេលរៀនចប់ថ្នាក់ទី១២ ត្រូវមករៀននៅភ្នំពេញ ជាវៃ ត្រូវរកសាលារៀនដោយខ្លួនឯង ខណៈក្រុម Might Girl គេឈប់ជួយដល់ការរៀនសូត្រទៀតហើយ ដល់ឆ្នាំ២០១៥ក្មេងស្រីកំព្រាខាងលើក៏ទទួលបានឱកាសចូលហាត់បាល់នៅភ្នំពេញក្រោន ហើយភ្នំពេញក្រោនក៏បានជួយឲ្យខ្លួនបានរៀនចប់ចុងជាប់ដើមនៅឆ្នាំ២០១៩។
ពេលនេះ បាន ជាវៃ ជាកីឡាការិនីបាល់ទាត់របស់ក្រុមភ្នំពេញក្រោនផង និងជាគ្រូពេទ្យប្រចាំក្លឹបផងដែរ។ ក្មេងកំព្រារូបនេះសប្បាយចិត្ត និងអរគុណដល់បាល់ទាត់ដែលធ្វើខ្លួនមានជីវិតល្អប្រសើរបើទោះការចាប់ផ្ដើមជីវិតរបស់ខ្លួនមកមិនល្អដោយត្រូវរស់ក្នុងមណ្ឌលកុមារកំព្រាក៏ដោយ៕
