- 2021-08-24 02:20:54
- បាល់ទាត់
ដំណើរដើមទងដែលធ្វើឲ្យ គឹមហុង ក្លាយពីកីឡាការិនីកម្ពុជាទៅជានិស្សិតនៅ USA
- 2021-08-24 02:20:54
- ចំនួនមតិ 0 | ចំនួនចែករំលែក 0
ដំណើរដើមទងដែលធ្វើឲ្យ គឹមហុង ក្លាយពីកីឡាការិនីកម្ពុជាទៅជានិស្សិតនៅ USA
ចន្លោះមិនឃើញ
អតីតកីឡាការិនីជម្រើសជាតិកម្ពុជា ហួត គឹមហុង ពិតជាអរគុណដល់បាល់ទាត់ដែលធ្វើឲ្យគេបានទៅរៀននៅអាមេរិក ហើយក៏បានប្រាប់ដំណើរដើមទងដែលធ្វើឲ្យកូនអ្នកបាត់បាត់ដំបងដ៏ស្រស់សោភារូបនេះបានទៅរៀននៅ USA ។
អតីតកីឡាការិនីភ្នំពេញក្រោនរូបនេះបានឲ្យដឹងថា ឱកាសដែលធ្វើគេបានទៅរៀននៅអាមេរិក គឺដំបូងឡើយ គឹមហុង ជាគ្រូបង្វឹកបាល់ទាត់ U14 ឆ្នាំនៅភ្នំពេញក្រោន តែថ្ងៃមួយបុរសឈ្មោះ រិក បានយកកូនប្រុសរបស់ខ្លួនទៅហាត់នៅភ្នំពេញក្រោន ដោយក្មេងនោះបានហ្វឹកហាត់ជាមួយ គឹមហុង ។
បន្ទាប់ពីយកកូនប្រុសរបស់ខ្លួនទៅហាត់បុរសសញ្ជាតិអាមេរិកខាងលើក៏ឃើញពីសមត្ថភាពរបស់ គឹមហុង ទាក់ទងផ្នែកបាល់ទាត់ល្អ ហើយថែមទាំងមានចិត្តអាណិតស្រលាញ់ផងនោះលោកក៏បានរៀបចំទាក់ទងសុំគេឲ្យគឹមហុងបានទៅរៀននៅ USA និងលេងបាល់ទាត់ផងដែរ។ សាលាដែលកូនអ្នកបាត់ដំបងកំពុងរៀននោះឈ្មោះថា Bryant and Stratton college ។ គឹម ហុងបានរៀនចប់ផ្នែក Network technology នៅសាលានេះរូចហើយ ដោយបច្ចុប្បន្នកំពុងរៀនបន្ថែមចំនួនពីរឆ្នាំទៀត ដោយចាប់យកជំនាញសេដ្ឋកិច្ច។
យុវតីវ័យ២៣ឆ្នាំរូបនេះ ពិតជាអរគុណដល់បាល់ទាត់ខ្លាំងមែនទែន ដែលធ្វើគេមានថ្ងៃនេះ ហើយពិសេសគឺភ្នំពេញក្រោនផ្ទាល់តែម្ដង។ យ៉ាងណាក្រោយពេលរៀនចប់ គឹមហុង នឹងត្រឡប់មកកាន់កម្ពុជា ហើយនឹងចូលទៅកាន់ក្លឹបភ្នំពេញក្រោនវិញ ដើម្បីចែករំលែកអ្វីដែលខ្លួនបានហាត់រៀនផ្នែកបាល់ទាត់នៅ USA ទៅកាន់កីឡាការិនីកម្ពុជា។
យុវតីខាងលើជាអតីតកីឡាការិនីជម្រើសជាតិឆ្នើមរបស់កម្ពុជា ដែលធ្លាប់ទាត់ចូលទីម័រខាងកើត ៦ គ្រាប់ម្នាក់ឯង ដើម្បីជួយកម្ពុជាបំបាក់ទីម័រ ១២-០ កាលកម្មវិធី AFF Women's Championship 2018 ៕
