- 2021-08-18 03:24:05
- បាល់ទាត់
ស្រីស្អាតជាអតីតកីឡាការិនីជម្រើសជាតិកម្ពុជាដែលកំពុងលេងនៅ USA គឹមហុង ថានៅទីនោះគេផ្ដោតលើពីរចំណុច
- 2021-08-18 03:24:05
- ចំនួនមតិ 0 | ចំនួនចែករំលែក 0
ស្រីស្អាតជាអតីតកីឡាការិនីជម្រើសជាតិកម្ពុជាដែលកំពុងលេងនៅ USA គឹមហុង ថានៅទីនោះគេផ្ដោតលើពីរចំណុច
ចន្លោះមិនឃើញ
អតីតកីឡាការិនីបាល់ទាត់ជម្រើសជាតិកម្ពុជា ហួត គឹមហុង ដែលកំពុងលេងបាល់ទាត់នៅក្រុមបាល់ទាត់របស់សាលាមួយនៅ USA បានរៀបរាប់ថា នៅទីនោះគេលេងផ្ដោតសំខាន់លើពីរចំណុចគឺ ល្បឿន និងការពិតពាំងបុកគ្នាខ្លាំងៗ មិនដូចការលេងនៅកម្ពុជាភាគច្រើនគឺលេងមិនសូវហ៊ានប៉ះគ្នាខ្លាំងៗនោះទេ។
កីឡាការិនីមានដើមកំណើតនៅខេត្តបាត់ដំបងរូបនេះបានឲ្យដឹងថា ខ្លួនកំពុងសិក្សាផង និងលេងបាល់ឲ្យសាលានៅទីនោះផង។ ក្រោយពេលទៅកម្ពុជាវិញ គឹមហុង នឹងចូលលេងឲ្យក្លឹបចាស់ភ្នំពេញក្រោនដូចមុនវិញ ហើយនឹងចែករំលែកអ្វីដែលទទួលបានពី USA ផ្ដល់ទៅកាន់កីឡាការិនីកម្ពុជាផងដែរ។ វិស័យបាល់ទាត់នៅអាមេរិកផ្នែកនារីគឺខ្លាំងជាងកម្ពុជាឆ្ងាយណាស់ ដោយនៅកន្លែងដែលខ្លួនលេងនិងហាត់រៀនរាល់ថ្ងៃគឺគេផ្ដោតសំខាន់ទៅលើល្បឿន និងកាយសប្បទាររឹងម៉ាំខ្លាំងបំផុត។
អតីតកីឡាការនីជម្រើសជាតកម្ពុជាដែលធ្លាប់ទាត់ចូលទីម័រខាងកើត ៦គ្រាប់ម្នាក់ឯងហើយជួយកម្ពុជាឈ្នះ ១២-០ ក្នុងការប្រកួតបើកឆាកពានរង្វាន់ AFF Women's Championship 2018 រូបនេះ អះអាងថាខ្លួនបានរីកចម្រើនខ្លាំងទាក់ទងផ្នែកល្បឿន និងកាយសម្បទាររឹងម៉ាំជាងមុនច្រើន។ កូនអ្នកបាត់ដំបងខាងលើមានវ័យ២៣ឆ្នាំ នឹងអាចត្រឡប់មកកាន់កម្ពុជាវិញនៅឆ្នាំក្រោយ៕
