- 2021-08-18 02:24:50
- បាល់ទាត់
ការតាំងចិត្តទាំងនេះហើយទើបធ្វើឱ្យ សារ៉េត គ្រីយ៉ា ជោគជ័យដល់ថ្ងៃនេះ!
- 2021-08-18 02:24:50
- ចំនួនមតិ 0 | ចំនួនចែករំលែក 0
ការតាំងចិត្តទាំងនេះហើយទើបធ្វើឱ្យ សារ៉េត គ្រីយ៉ា ជោគជ័យដល់ថ្ងៃនេះ!
ចន្លោះមិនឃើញ
ខ្សែការពារ សារ៉េត គ្រីយ៉ា អាចចាត់ទុកជាផ្ការីកគ្រប់រដូវក្នុងក្លឹបព្រះខ័នរាជស្វាយរៀង ព្រោះគេបានបង្ហាញខ្លួនគ្រប់ប្រកួតទាំងអស់ឱ្យក្រុមជើងឯកលីគកំពូលកម្ពុជា២សម័យកាល ចាប់តាំងពីបើករដូលកាលលីគឆ្នាំ២០២១រហូតដល់ពេលនេះ។
មិនតែប៉ុណ្ណោះ គ្រីយ៉ា ក៏តែងបង្ហាញខ្លួនញឹកញាប់ក្នុងក្រុមជម្រើសជាតិកម្ពុជា ជាក់ស្ដែងការប្រកួតជម្រុះ World Cup Qatar 2022 បង្ក្រប់កិច្ចជុំទី២ក្នុងពូល C នៅប្រទេសបារ៉ែនក៏មានវត្តមានរបស់គេដែរ។
អ្វីជាកត្តាជម្រុញឱ្យគ្រីយ៉ាឡើងមកដល់ចំណុចនេះ? ឈានមកដល់ចំណុចនេះ កីឡាករកើតចេញពីយុវជនរបស់ព្រះខ័នរាជស្វាយរៀង បានទម្លាយឱ្យដឹងថាមកពីរូបគេខំប្រឹងប្រែង និងប្រកាន់ភ្ជាប់គំនិត ពេលមានការងារធ្វើ កុំខ្លាចហត់ កុំគិតរឿងម៉ោងពេល កុំគិតថ្ងៃសម្រាក។
ខ្សែការពារវ័យ២៦ឆ្នាំ បានពន្យល់ថា ៖«កត្តាទាំងអស់នេះហើយ ដែលធ្វើឱ្យខ្ញុំជោគជ័យ ខ្ញុំតែងតែគិតពីវារាល់ថ្ងៃ ប៉ុន្តែវានៅមិនទាន់គ្រប់គ្រាន់ទេសម្រាប់គោលបំណងរបស់ខ្ញុំ»។
មិនទាន់គ្រប់គ្រាន់ ព្រោះគ្រីយ៉ាចង់ឱ្យខ្លួនឯងរីកចម្រើនជាងនេះទៀត ដើម្បីជួយក្លឹបប្រកួតប្រជែងក្នុងពានរង្វាន់ផ្សេងៗទាំងក្នុងនិងក្រៅប្រទេសកម្ពុជា។
កីឡាករខ្មែរ-ឥស្លាម សារ៉េត គ្រីយ៉ា បានបង្ហាញខ្លួន១០ប្រកួតឱ្យក្រុមលោក Conor Nestor រកបាន១គ្រាប់ និងបញ្ជូនបាល់ឱ្យមិត្តរួមក្រុមស៊ុតបញ្ចូលទី១គ្រាប់ មុនការប្រកួតលីគកំពូលកម្ពុជារដូវកាលនេះ ត្រូវបានពន្យារពេលដោយជំងឺកូវីដ-១៩៕
