ល្បែងតែងមានល្បិច! ឃើញរត់លឿនដូចរន្ទះ ការពិតស្បែកជើងដាក់របស់ជំនួយល្បឿន

2021-08-04 08:08:25
បាល់ទាត់

2021-08-04 08:08:25
ចំនួនមតិ 0 | ចំនួនចែករំលែក 0

ចន្លោះមិនឃើញ

វិញ្ញាសាររត់ប្រណាំងនៅអូឡាំពិកឆ្នាំនេះ អ្នកដែលឈ្នះមេដាយមាសសុទ្ធតែបំបែកកំណត់ត្រាចាស់របស់ខ្លួន ដោយម្នាក់ៗរត់លឿនខ្លាំងមែនទែន សឹងតែគ្មានអ្នកជឿនោះទេ។

Karsten Warholm និង Rai Benjamin

ជាក់ស្ដែងការរត់៤០០ម៉ែត្រ men 400m hurdle កន្លងទៅ កីឡាករ Karsten Warholm បានបំបែកកំណត់ត្រាប្រើពេលតែ ៤៥,៩៤វិនាទីប៉ុណ្ណោះ ជាប់ចំណាត់ថ្នាក់លេខ១បានមេដាយមាស។ ខណៈដែលអ្នកលេខ២វិញ Rai Benjamin ប្រើពេល៤៦,១៧វិនាទី។ កីឡាករទាំងពីរនេះ សុទ្ធតែបំបែកកំណត់ត្រាល្បឿនហើយ រត់លឿនខ្លាំងមែនទែន។

Rai Benjamin

កត្តារត់លឿននេះហើយ ត្រូវបានគេមើលឃើញថាដោយសារតែស្បែកជើងរបស់ពួកគេជាអ្នកជំរុញល្បឿនតែម្ដង។ Warholm ពាក់ស្បែកជើងPuma EvoSpeed Future Faster+ spikes ដែល Design ដោយក្រុម Mercedes F1 មានតម្លៃ២៣៦ដុល្លារ។ ខណៈដែល Benjamin វិញ ពាក់ស្បែកជើង Nike Maxfly spikes ដែលធ្វើឡើងយ៉ាងពិសេសសម្រាប់កីឡាករអាមេរិកមានតម្លៃ២២៩ដុល្លារ។

ស្បែកជើងទាំង២ខាងលើនេះ សុទ្ធតែបំពាក់ដោយ Carbon-fibre plate ដូចគ្នា ដោយគ្រាន់តែខាង Nike Maxfly ពិសេសជាង Puma បន្ដិច ត្រង់ថាស្បែកជើងនេះបានពាក់ដោយ Air Pod Cushion ដែលជាប្រព័ន្ធជំនួយខ្យល់ធ្វើឱ្យអ្នករត់បានលឿនជាង។

អ្នកជំនាញអូឡាំពិកមើលឃើញថាបច្ចេកវិទ្យាកាន់តែជឿនលឿនបានធ្វើឱ្យការប្រកួតមិនសុក្រិតនោះទេសម្រាប់កីឡាករ។ ជាក់ស្ដែង អ្នកដែលពាក់ស្បែកជើងខាងលើអាចជំនួយដល់ការរត់របស់ពួកគេលឿនជាងធម្មតា១ទៅ២ភាគរយឯណោះ។ ដូច្នេះហើយ ពួកគេនឹងប្រជុំពិនិត្យមើលម្ដងទៀត ថាការប្រកួតបន្ទាប់ត្រូវមានច្បាប់អ្វីដើម្បីទប់ស្កាត់បច្ចេកវិទ្យាជំនួយល្បឿនអស់នេះ៕

ប្រភព៖ Dailymail អត្ថបទ៖ ប្រុស យុទ្ធ