/60ef9e4aec3b0_1626316320_medium.jpg)
- 2021-07-15 02:35:58
- បាល់ទាត់
ព្រោះកត្តាជីវភាពខ្វះខាតខ្លាំងជំរុញឲ្យ ឡេង ណូរ៉ា ប្រឹងប្រែងហ្វឹកហាត់ខ្ពស់លើសពីកីឡាករដទៃ
- 2021-07-15 02:35:58
- ចំនួនមតិ 0 | ចំនួនចែករំលែក 0
ព្រោះកត្តាជីវភាពខ្វះខាតខ្លាំងជំរុញឲ្យ ឡេង ណូរ៉ា ប្រឹងប្រែងហ្វឹកហាត់ខ្ពស់លើសពីកីឡាករដទៃ
ចន្លោះមិនឃើញ
ខ្សែបម្រើប្រយុទ្ធក្នុងក្រុមជម្រើសជាតិកម្ពុជា និងក្លឹបព្រៃវែង ឡេង ណូរ៉ា ទម្លាយដើមចមដែលនាំឲ្យខ្លួនប្រឹងប្រែងហ្វឹកហាត់ខ្លាំងជាងកីឡាករដទៃ ពីព្រោះតែគ្រួសាររបស់គេមានការខ្វះខាតខ្លាំង។
ប្រិយមិត្តពិតជាបានដឹងហើយថាយុវជនវ័យ១៧ឆ្នាំ ឡេង ណូរ៉ា ធំធាត់ក្នុងមណ្ឌលកុមារកំព្រា និងអង្គការមួយចំនួនក្នុងក្រុងភ្នំពេញ ដោយគេត្រូវបានម្ដាយបង្កើត នី ណា បានយកគេទៅទុកក្នុងអង្គការមួយកាលវ័យ៧ឆ្នាំ ក្រោយពេលឪពុករបស់គេបានស្លាប់នៅឆ្នាំ២០១០។
កត្តាប្រវត្តិកម្សត់ និងខ្វះខាតបានដក់ជាប់ក្នុងចិត្តរបស់គេរាល់ថ្ងៃហើយតែងជំរុញទឹកចិត្តឲ្យពុះពារហ្វឹកហាត់។ ស្ទើររាល់ថ្ងៃ ណូរ៉ា តែងក្រោករត់ចាប់ពីម៉ោង៥ព្រឹកចំនួន៣០នាទី ហើយក្រោយមកសម្រាកបន្តិចក៏បន្តទៅហាត់ជីម២ឬ៣ម៉ោងដោយធ្វើលំហាត់ខុសៗគ្នាបន្ថែមទៀត។ ដល់ពេលរសៀលទើបបន្តទៅហាត់ជាមួយក្លឹបតាមអ្វីដែលគ្រូបានប្រាប់។ ការក្រោកហ្វឹកហាត់ម៉ោង៥ឬម៉ោង៦ជាទូទៅមិនសូវមានកីឡាករបាល់ទាត់ធ្វើច្រើនទេ ហើយចំណុចនេះក៏អាចចាត់ទុកថាលើសពីការប្រឹងប្រែងរបស់កីឡាករកំពូលៗមួយចំនួនផងដែរ។
យុវជនកើតនៅភ្នំពេញរូបនេះមានការតស៊ូហ្វឹកហាត់បែបនេះជាប្រចាំ ទើបមានឱកាសបានជាប់ជម្រើសជាតិឈុតធំលើកទី១ ក្នុងវ័យត្រឹម១៧ឆ្នាំដែលកីឡាករដទៃកម្រធ្វើបាន។ ដូចដែលប្រិយមិត្តបានឃើញស្រាប់កាយបម្បទាររបស់គេទៀតសោទឃើញថា ម៉ាំមួនល្អកម្លាំងលេងលើទីលានក៏ស្វាហាប់៕
