- 2021-07-09 09:05:10
- បាល់ទាត់
ក្រុមបាល់ទាត់ YOUNGCHESTER FT កើតឡើងពីក្ដីស្រមៃ និងឆន្ទៈ
- 2021-07-09 09:05:10
- ចំនួនមតិ 0 | ចំនួនចែករំលែក 0
ក្រុមបាល់ទាត់ YOUNGCHESTER FT កើតឡើងពីក្ដីស្រមៃ និងឆន្ទៈ
ចន្លោះមិនឃើញ
ស្ថាបនិកក្រុមបាល់ទាត់ក្នុងសាល YOUNGCHESTER FT ក្រុមមួយនេះកើតឡើងចេញពីក្ដីស្រមៃ និងឆន្ទៈរបស់កីឡាករម្នាក់ៗដូច្នេះទើបអភិវឌ្ឍន៍រហូតអាចឈានដល់ការចូលប្រកួតក្នុងលីគថ្នាក់ជាតិជាដើម។
លោក ផៃ បរិញ្ញា ស្ថាបនិកក្រុមខាងលើនេះបានឲ្យដឹងថា បើនិយាយពីប្រវត្តិវិញក្រុមនេះ YOUNGCHESTER FT បង្កើតឡើងរយៈពេល១០ឆ្នាំមកហើយ ប៉ុន្តែលេងតារាងធំគ្នា ១១នាក់ប៉ុណ្ណោះ។ ឥលូវនេះក្រុមបានអភិវឌ្ឍន៍ជា Futsal ប្រហែល២-៣ឆ្នាំមកហើយ ថែមទាំងបានចូលប្រកួតថ្នាក់ជាតិថែមទៀតផង។
ស្ថាបនិកក្រុម YOUNGCHESTER FT ខាងលើនេះបន្ថែមទៀតថា ក្រុមបាល់ទាត់មួយនេះកើតចេញពីម្នាក់ៗមានក្ដីស្រមៃចង់បង្កើតឲ្យមានក្រុមផ្ទាល់ខ្លួនតាំងពីក្មេងៗ និងចង់ចូលរួមប្រកួតកម្មវិធីនានាដូចគេឯង។ ដូច្នេះហើយការចូលចិត្តស្រឡាញ់ដូចគ្នាទើបពួកលោកចងក្រងបង្កើតបានជាក្រុមនេះឡើង។ គោលដៅបន្តទៅទៀតនឹងព្យាយាមពង្រឹងសមត្ថភាព ពង្រីកក្រុមឲ្យមានកេរ្តិ៍ឈ្មោះល្បី និងរួមចំណែកផ្សព្វផ្សាយពីបាល់ទាត់ Futsal របស់ខ្មែរលើឆាកអន្តរជាតិ។
លោក ផៃ បរិញ្ញា ក៏បានលើកពីបញ្ហាប្រឈមមួយចំនួនដែរចំពោះក្រុមគឺខ្វះការជួយឧបត្ថម្ភ ដូច្នេះស្ថាបនិករូបនេះអំពាវនាវដល់សប្បុរសជនដែលមានបំណងចង់សហការស្វាគមន៍ជានិច្ច។ រំលឹកដែរថា ក្រុមបាល់ទាត់ក្នុងសាល (Futsal) YOUNGCHESTER FT ធ្លាប់បានចូលរួមប្រកួតជើងឯកថ្នាក់២ឆ្នាំមកហើយប៉ុន្តែមិនទាន់ឈានដល់ចំណាត់ថ្នាក់ល្អគាប់ប្រសើរនោះឡើយ៕
