/Football100/60d3f8266ab2d_1624504320_medium.jpg)
- 2021-06-24 03:16:31
- បាល់ទាត់
Enrique ថាគ្មានក្រុមណាចង់ប៉ះអេស្ប៉ាញទេ ក្រោយឃើញលត់ស្លូវ៉ាគី ៥-០
- 2021-06-24 03:16:31
- ចំនួនមតិ 0 | ចំនួនចែករំលែក 0
Enrique ថាគ្មានក្រុមណាចង់ប៉ះអេស្ប៉ាញទេ ក្រោយឃើញលត់ស្លូវ៉ាគី ៥-០
ចន្លោះមិនឃើញ
ក្រុមជម្រើសជាតិអេស្ប៉ាញបានឡើងទៅវគ្គ១៦ក្រុមចុងក្រោយហើយ បន្ទាប់ពីពួកគេយកឈ្នះលើក្រុមស្លូវ៉ាគី ក្នុងលទ្ធផល ៥-០ សម្រាប់ការប្រកួតនៅយប់មិញនេះ។
ក្រោយពីចប់ការប្រកួតនេះទៅ លោក Luis Enrique បាននិយាយថា៖ “ខ្ញុំបាននិយាយមុនការប្រកួតរួចហើយថាក្រុមនេះដូចជាដបមួយដែលមានហ្គាសក្នុងនោះ ហើយមិនទាន់ដកឆ្នុកអីចឹង។ ហើយពេលនេះខ្ញុំគិតថាត្រូវហើយ។ គ្រប់យ៉ាងបានកើតឡើង ខ្ញុំគិតថាពេលនេះមិនមាននរណាចង់ប្រឈមមុខជាមួយយើងឡើយ។ នេះមិនចង់និយាយថាយើងនឹងផ្ដួលក្រូអាតទេ ប៉ុន្តែសួរទៅក្រុមផ្សេង ពួកគេនឹងមិនចង់ប៉ះយើងឡើយ”។
រំលឹកថានៅវគ្គ១៦ក្រុមចុងក្រោយ អេស្ប៉ាញ នឹងប៉ះជាមួយក្រុមក្រូអាតដែលជាជើងឯករងពានរង្វាន់ FIFA World Cup 2018 កន្លងទៅ។ ដោយនេះអាចនិយាយបានថាជាការប្រកួតជក់ចិត្តមួយផងដែរ។ ដោយកាលពីឆ្នាំ២០១៨កន្លងទៅ ក្នុងពាន UEFA Nations League ក្រុម២នេះបានប៉ះគ្នាដែរ ក្នុងនោះជើងទី១ អេស្ប៉ាញឈ្នះក្រូអាត ៦-០ តែជើងទី២ ក្រូអាតឈ្នះវិញ ៣-២៕
