- 2021-06-02 00:30:00
- បាល់ទាត់
Lee Taehoon ៖ខ្ញុំនឹងជួយឲ្យយុវជន Tiffy Army ជាកីឡាករមានសក្ដានុពលនៅថ្ងៃអនាគត
- 2021-06-02 00:30:00
- ចំនួនមតិ 0 | ចំនួនចែករំលែក 0
Lee Taehoon ៖ខ្ញុំនឹងជួយឲ្យយុវជន Tiffy Army ជាកីឡាករមានសក្ដានុពលនៅថ្ងៃអនាគត
ចន្លោះមិនឃើញ
លោក Lee Taehoon ថានឹងជួយឲ្យអស់ពីសមត្ថភាពក្នុងការអភិវឌ្ឍន៍យុវជនរបស់ក្រុម Tiffy Army FC ដែលមានស្រាប់នេះឲ្យមានសក្ដានុពល និងជាធនធានដែលសំខាន់ក្នុងវិស័យបាល់ទាត់នៅកម្ពុជា។
អ្នកចាត់ការទូទៅថ្មីរបស់ក្រុម Tiffy Army FC លោក Lee Taehoon បានឲ្យដឹងថា ចំពោះទស្សនៈក្នុងការមកដឹកនាំក្រុមនៅពេលនេះ គឺការធ្វើឲ្យក្រុមមួយនេះលេងដោយមានមូលដ្ឋានច្បាស់លាស់ និងលេងជាក្រុមដោយមានទំនុកចិត្ត។ ប៉ុន្តែអ្វីៗគឺត្រូវការពេលវេលាផងដែរក្នុងការបង្ហាត់បង្រៀនពីមួយដំណាក់កាលទៅមួយដំណាក់កាល។
យ៉ាងណាអតីតគ្រូជម្រើសជាតិកម្ពុជារូបនេះនឹងខំប្រឹងឲ្យអស់ពីសម្ថភាពដើម្បីធ្វើឲ្យក្រុមបាល់ទាត់ Tiffy Army FC លេងបានល្អជាទីពេញចិត្តរបស់អ្នកគាំទ្រ។ មួយវិញទៀតដោយសារក្រុមនេះសំបូរយុវជនផងនោះវារឹតតែល្អ ហើយលោកនឹងព្យាយាមឆ្នៃអ្នកទាំងនោះឲ្យក្លាយជាកីឡាករឆ្នើម និងជាធនធានសម្រាប់ជម្រើសជាតិកម្ពុជានាពេលអនាគត។
រំលឹកដែរថា ម្សិលមិញនេះក្រុមបាល់ទាត់ Tiffy Army FC បានធ្វើពិធីចុះកុងត្រារយៈពេល២ឆ្នាំជាមួយលោក Lee Taehoon ដើម្បីធ្វើជាអ្នកចាត់ការទូទៅ។ លោក Lee Taehoon ជាគ្រូបង្វឹកមានកេរ្តិ៍ឈ្មោះមួយរូបនៅកម្ពុជា និងជាអតីតគ្រូបង្វឹកជម្រើសជាតិកម្ពុជាផងដែរ៕
