- 2021-06-01 01:00:00
- បាល់ទាត់
គ្រូជំនួយជម្រើសជាតិ ភា សុភ័ក្រ្តា៖ លឹម ពិសុទ្ធ កំពុងស្ថិតក្នុងវ័យមាសវ័យប្រាក់
- 2021-06-01 01:00:00
- ចំនួនមតិ 0 | ចំនួនចែករំលែក 0
គ្រូជំនួយជម្រើសជាតិ ភា សុភ័ក្រ្តា៖ លឹម ពិសុទ្ធ កំពុងស្ថិតក្នុងវ័យមាសវ័យប្រាក់
ចន្លោះមិនឃើញ
កីឡាករវ័យក្មេងភ្នំពេញក្រោន លឹម ពិសុទ្ធ ត្រូវបានសហព័ន្ធកីឡាបាល់ទាត់កម្ពុជា កោះហៅឱ្យចូលក្រុមជម្រើសជាតិឈុតធំជាលើកដំបូង ដើម្បីត្រៀមការប្រកួតជម្រុះ FIFA World Cup Qatar 2022 នៅសេសសល់ ៣ ប្រកួតទៀត ដែលនឹងធ្វើឡើងនៅប្រទេសបារ៉ែនចាប់ពីថ្ងៃទី ៣ ខែមិថុនា ឆ្នាំ២០២១តទៅ។
ពិសុទ្ធ ត្រូវបានគេចាត់ទុកជាខ្សែបម្រើវ័យក្មេងកំពុងរះ និងជាកូនសោដ៏សំខាន់សម្រាប់កម្ពុជានាថ្ងៃអនាគត។ ដោយឡែកលោក ភា សុភ័ក្ត្រា កាលមិនទាន់ឡើងជាគ្រូជំនួយក្រុមជម្រើសជាតិកម្ពុជា ក៏បានលើកឡើងដែរថាខ្សែបម្រើវ័យ១៨ឆ្នាំរូបនេះ មានភាពលេចធ្លោ មានភាពក្លាហាន ហើយកំពុងស្ថិតក្នុងវ័យមាសវ័យប្រាក់។ យ៉ាងណាក្មួយប្រុសបង្កើតរបស់កីឡាករវិសាខា រស់ សំអឿន នៅមានចំណុចខ្វះខាតច្រើន ដែលត្រូវការរៀនសូត្របន្ថែម។
អតីតគ្រូបង្គោលក្រុមទ័ព បានបញ្ជាក់យ៉ាងដូច្នេះ ៖«មានអី(ខ្ញុំ)ឃើញភាពក្លាហាន ការហ៊ានលេងរបស់គាត់ គ្រាន់តែថាពិសុទ្ធដូចនៅរៀងរឹងណាស់ ការបត់បែន In-Out នៅស្ទើរនៅឡើយ ដោយសារគាត់ក្មេងនៅមានកម្លាំង អ៊ីចឹងវ័យហ្នឹងគឺថាវ័យមាស គាត់ត្រូវការឡើងតិចទៀត តែឃើញថាគាត់មានភាពលេចធ្លោ»។
យុវជនថ្នាលរបស់ភ្នំពេញក្រោន លឹម ពិសុទ្ធ បានបង្ហាញខ្លួន២៣ប្រកួត ក្នុងការប្រកួត MCL និង HSC ឱ្យក្រុមសិង្ហក្រហមនៅរដូវកាល២០២០។ គេរកបាន៥គ្រាប់ដោយប្រើជើងស្ដាំ និងបញ្ជូនបាល់ឱ្យមិត្តរួមក្រុមស៊ុតបញ្ចូលទីចំនួន៨ដង។ ៥គ្រាប់របស់គេរកបានក្នុងប្រអប់គ្រោះថ្នាក់៤គ្រាប់ និងក្រៅប្រអប់គ្រោះថ្នាក់១គ្រាប់ ហើយក្នុងចំណោម៥គ្រាប់នេះដែរ មាន២គ្រាប់រកបានបន្ទាប់ពីប្ដូរចូល៕
