ជ័យជម្នះទៅលើសូលទីឡូអង្គរ៣-០ម្សិលមិញធ្វើឲ្យ ឱ ភារុណ ជឿថាបឹងកេតនៅតែអាចឈ្នះពាន

2021-05-27 04:15:46
បាល់ទាត់

2021-05-27 04:15:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយរកបាន៣ពិន្ទុជាលើកដំបូងខ្សែប្រយុទ្ធបឹងកេតឱ ភារុណ យល់ថាបឹងកេតនៅតែមានឱកាសលើកពានលីគកំពូលកម្ពុជារដូវកាល២០២១។

កាលពីម្សិលមិញនេះ បឹងកេត យកឈ្នះទៅលើ សូលទីឡូអង្គរ៣-០ សម្រាប់ការប្រកួតសប្ដាហ៍ទី៣របស់ពួកគេ ក្រោយបរាជ័យពីរប្រកួតបើកឆាកនៃលីគកំពូលកម្ពុជា។ ក្រោយលេងបានស៊ីចង្វាក់គ្នាគ្រាន់បើកាលពីម្សិលមិញ ខ្សែប្រយុទ្ធរបស់បឹងកេតមកពីក្រុងប៉ោយប៉ែតខាងលើយល់ថា ចំណុចដែលធ្វើឲ្យក្រុមខ្លួនលេងមិនសូវបានល្អកន្លងមក ដោយសារការលេងជាក្រុមមិនទាន់ស៊ីចង្វាក់គ្នាល្អ។

ភារុណ បានបញ្ជាក់ថា យ៉ាងណាក្រុមការងាររបស់ក្លឹបទាំងអស់ទាំងរួមទាំងកីឡាករ កំពុងប្រឹងប្រែងធ្វើយ៉ាងណាឲ្យទម្រង់លេងរបស់បឹងកេតវិលមករកភាពល្អប្រសើរដូចរដូវកាលមុន ដើម្បីឲ្យការប្រកួតលីគមានភាពប្រកួតប្រជែងកាន់តែខ្លាំង ហើយគ្រប់កីឡាករបឹងកេតក៏ដូចគ្នាគឺតាំងចិត្តខ្ពស់ក្នុងការជួយក្លឹបឲ្យបានប្រជែងពាន។

បីប្រកួតចាប់ផ្ដើមរបស់បឹងកេតឈ្នះម្សិលមិញ និងចាញ់ពីរប្រកួតធ្វើឲ្យពួកគេស្ថិតនៅលេខ៩ ក្នុងតារាងលីគកំពូល ស្របពេលលេខ១គឺ Angkor Tiger មាន១៣ ពិន្ទុឆ្លងកាត់៥ប្រកួតឈ្នះ៤ ស្មើ១៕