/BK-B(1)/60a7311d7499b_1621569780_medium.jpg)
- 2021-05-21 04:08:41
- បាល់ទាត់
ហ៊ុល គឹមហ៊ុយ ប្ដេជ្ញាថា យ៉ាងណាគឺត្រូវតែឈ្នះ Angkor Tiger
- 2021-05-21 04:08:41
- ចំនួនមតិ 0 | ចំនួនចែករំលែក 0
ហ៊ុល គឹមហ៊ុយ ប្ដេជ្ញាថា យ៉ាងណាគឺត្រូវតែឈ្នះ Angkor Tiger
ចន្លោះមិនឃើញ
អ្នកចាំទីឆ្នើមរបស់កម្ពុជា និងបឹងកេត ហ៊ុល គឹមហ៊ុយ បានប្ដេជ្ញាចិត្តថា ការប្រកួតទល់ក្រុមបាល់ទាត់ Angkor Tiger យ៉ាងណត្រូវតែឈ្នះ សម្រាប់ការប្រកួតពានរង្វាន់លីគកំពូលកម្ពុជា ដែលគ្រោងលេងថ្ងៃអាទិត្យទី២៣ ខែឧសភា ឆ្នាំ២០២១ នៅកីឡដ្ឋានអេស.អ.យូ។
«ខ្ញុំមើលឃើញថា Tiger មិនជាល្អណាស់ណាពេកទេ។ ខ្ញុំសង្ឃឹមថាយើងនឹងឈ្នះការប្រកួតហ្នឹង។ និយាយទៅយ៉ាងណាក៏ដោយយើងប្ដេជ្ញាចិត្តថា ត្រូវតែឈ្នះសម្រាប់ការប្រកួតនោះ» នេះជាសម្ដីរបស់អ្នកចាំទីខាងលើ។ កូនអ្នកតាកែវដដែលបន្ថែមថា សម្រាប់ការហាត់ត្រៀមគឺហាត់ខ្លាំងមែនទែន ដូច្នេះទើបធ្វើគេមានការរំពឹងខ្ពស់បែបនេះ។
កីឡាករកើតឆ្នាំ២០០០រូបនេះបានបន្ថែមទៀតថា ចំណុចពិសេសរបស់ Tiger គឺល្អនៅតំបន់ការពារ និងមានខ្សែប្រយុទ្ធបរទេសល្អៗគ្រាន់បើ។ បើមើលទៅលទ្ធផលឃើញថា Tiger កំពុងធ្វើបានល្អដោយលេង៤ប្រកួតឈ្នះ៣ ស្មើ១មាន១០ ពិន្ទុ ស្ថិតនៅកំពូលតារាង ស្របពេលបឹងកេតចាប់ផ្ដើមមកហាក់មិនទាន់លេងបានល្អ ពោលគឺពីរប្រកួតចាញ់ទាំងពីរ៕
