/60a1d3c704649_1621218240_medium.jpg)
- 2021-05-17 02:31:10
- បាល់ទាត់
ពីរប្រកួតមុន អូនតូច អវត្តមានទាំងគ្មានរបួសតែម្សិលមិញរកបាន២គ្រាប់ធ្វើឲ្យគេកាន់តែជឿជាក់
- 2021-05-17 02:31:10
- ចំនួនមតិ 0 | ចំនួនចែករំលែក 0
ពីរប្រកួតមុន អូនតូច អវត្តមានទាំងគ្មានរបួសតែម្សិលមិញរកបាន២គ្រាប់ធ្វើឲ្យគេកាន់តែជឿជាក់
ចន្លោះមិនឃើញ
កាលពីម្សិលមិញនេះ ព្រៃវែង បានយកឈ្នះទៅលើក្រុមបាល់ទាត់ សូលទីឡូអង្គរ រហូតដល់ទៅ៦-០ ក្នុងការប្រកួតសប្ដាហ៍ទី៣របស់ខ្លួននៃពានរង្វាន់ លីគកំពូលកម្ពុជានៅទឹកដីរបស់ព្រៃវែង។ ក្នុងចំណោម៦គ្រាប់ អាត អូនតូច រកបាន២គ្រាប់ដែលធ្វើឲ្យគេកាន់តែមានភាពជឿជាក់សម្រាប់ប្រកួតបន្ទាប់ៗ។
២ប្រកួតមុនរបស់ព្រៃវែងស្មើ Tiger ១-១ និងចាញ់គីរីវង់ ៣-០ ដែលពីរប្រកួតនេះមិនមានវត្តមានរបស់ អូនតូច ឡើយ។ ការមិនបានជួយក្រុមនេះខ្សែបម្រើខាងលើថា មិនមែនមកពីរបួសទេ ដោយសារគ្រូចង់ដាក់មិត្តរួមក្រុមឲ្យលេង។ ប៉ុន្តែក្រោយពេលលេងប្រកួតដំបូងក្នុងលីគអាជីព ហើយរកបានពីរគ្រាប់ជូនក្រុមកាលពីម្សិលមិញ ខ្សែបម្រើរូបនេះកាន់តែមានភាពជឿជាក់លើខ្លួនឯង និងសង្ឃឹមបានលេងប្រកួតក្រោយៗ។
អូនតូច មិនរំពឹងថា បានយកឈ្នះ សូលទីឡូ ដល់ ៦-០ នោះឡើយ ពីព្រោះក្រុមរបស់គេជាក្រុមថ្មី ហើយសូលទីឡូជាក្រុមមានបទពិសោធនៅលីគកន្លងមក។ យ៉ាងណា អូនតូច ពិតជាសប្បាយចិត្តជាមួយការបង្ហាញខ្លួនលើកទី១នៅលីគ ហើយអាចរកបាន២គ្រាប់ជូនក្រុម និងរកបាន៣ពិន្ទុជូនក្លឹបផងដែរ។
រំលឹកថា គិតត្រឹមពេលនេះ ព្រៃវែងរកបាន ៤ ពិន្ទុក្នុងចំណោម៣ប្រកួតឈ្នះ១ស្មើ១ និងចាញ់១ ស្ថិតនៅលេខរៀងទី៧ក្នុងតារាងលីគកំពូលកម្ពុជា៕
