- 2021-05-05 02:50:48
- បាល់ទាត់
លឿនមែន! តាំង ពិសី ធូស្រាលពីរបួសជិតបាន១០០%វិញហើយ
- 2021-05-05 02:50:48
- ចំនួនមតិ 0 | ចំនួនចែករំលែក 0
លឿនមែន! តាំង ពិសី ធូស្រាលពីរបួសជិតបាន១០០%វិញហើយ
ចន្លោះមិនឃើញ
ខ្សែការពារស្លាប តាំង ពិសី របស់ Angkor Tiger បានធូស្រាលពីរបួសរលាកសរសៃពួរជើងផ្នែកខាងក្រោយបានប្រមាណជាជិត១០០% វិញហើយ ដែលរបួសនេះបានកើតឡើងកាល Angkor Tiger យកឈ្នះក្រុមទ័ព ៣-២ ក្នុងជំនួបសប្ដាហ៍ទី៣នៃលីគកំពូលកម្ពុជា។
ខ្សែការពារដែលកំពុងលេចធ្លោខ្លាំងក្នុងដើមរដូវកាលរូបនេះបានរៀបរាប់ឲ្យដឹងមុននេះថា របួសខាងលើជាបានខ្ទង់៧០ ទៅ ៨០ %ហើយ។ ពេលនេះគេបានចូលហាត់វិញហើយ គ្រាន់តែមិនទាន់បត់បែនបានដូចមុន និងការបែងចែកក្រុមលេងពេលហ្វឹកហាត់មិនទាន់អាចចូលលេងបាន។ ប៉ុន្តែការហ្វឹកហាត់អីផ្សេងៗគេបានធ្វើរាល់ថ្ងៃវិញហើយ។
ពិសី សង្កត់ធ្ងន់ថា របួសនេះមើលទៅមិនយូរទេជា១០០ %ហើយ ដោយសារការយកចិត្តទុកដាក់ថែទាំសុខភាព និងយកចិត្តទុកដាក់ព្យាបាល។ រំលឹកថា ដើមឡើយរបួសខាងលើគ្រូពេទ្យប្រាប់ឲ្យ ពិសី សម្រាក១ខែកន្លះ ប៉ុន្តែពេលនេះទើបតែបានជិត១ខែជិតជាវិញបាត់៕