- 2021-04-20 12:16:46
- បាល់ទាត់
Everton៖ ក្លឹបធំៗទាំង ៦ គិតតែប្រយោជន៍ខ្លួនឯង ហើយមើលងាយក្លឹបដទៃក្នុង Premier League
- 2021-04-20 12:16:46
- ចំនួនមតិ 0 | ចំនួនចែករំលែក 0
Everton៖ ក្លឹបធំៗទាំង ៦ គិតតែប្រយោជន៍ខ្លួនឯង ហើយមើលងាយក្លឹបដទៃក្នុង Premier League
ចន្លោះមិនឃើញ
ក្លឹប Everton នៅក្នុងរសៀលថ្ងៃអង្គារនេះបានចេញសេចក្ដីថ្លែងការណ៍មួយ ទាក់ទងនឹងការបង្កើតក្របខ័ណ្ឌ European Super League ដែលមានការចូលរួមបង្កើតពីសំណាក់ក្លឹបធំៗទាំង ៦ របស់ Premier League ដែលមានដូចជា Arsenal, Chelsea, Liverpool, Manchester City, Manchester United និង Tottenham Hotspur។
ក្នុងលិខិតនោះ Everton បានសម្ដែងការសោកស្ដាយ ដែលបានឃើញក្លឹបទាំង ៦ ដែលរួមលីគអង់គ្លេសជាមួយ Everton បានឃុបឃិតបំបែកប្រព័ន្ធថ្មី។ ជាមួយគ្នានោះដែរ Everton បាននិយាយត្រង់ៗថា៖
“ ក្លឹបទាំង ៦ គិតតែប្រយោជន៍ផ្ទាល់ខ្លួន។
ក្លឹបទាំង ៦ បំផ្លាញកេរ្តិ៍ឈ្មោះរបស់លីគអង់គ្លេស និងកីឡាបាល់ទាត់។
ក្លឹបទាំង ៦ មើលងាយក្លឹបដទៃទៀត ដែលនៅក្នុង Premier League ជាមួយគ្នា។
ក្លឹបទាំង ៦ មិនឲ្យតម្លៃអ្នកគាំទ្រ ហើយក្បត់អ្នកគាំទ្របាល់ទាត់ក្នុងប្រទេស និងក្រៅប្រទេស " ។
Everton យល់ឃើញថា ក្នុងវេលានៃវិបត្តិកូវីដទាំងថ្នាក់ជាតិ និងអន្តរជាតិបែបនេះ ក្លឹបទាំងអស់គួរតែខិតខំពួតដៃគ្នា ដើម្បីរុញកីឡាបាល់ទាត់ទៅមុខ ហើយធ្វើការដើម្បីអ្នកគាំទ្របាល់ទាត់ មិនមែនស៊ុមគ្រលុំដោយសម្ងាត់បំបែកចេញពីប្រព័ន្ធ ដែលបម្រើផលប្រយោជន៍ទាំងអស់គ្នានោះទេ៕
ប្រភព៖ Everton