- 2021-04-12 09:07:51
- បាល់ទាត់
ទោះលេងបានត្រឹម២នាទី តែ យ៉េត ចិត្រា សប្បាយចិត្តដែលគ្រូបង្វឹកផ្ដល់ឱកាស
- 2021-04-12 09:07:51
- ចំនួនមតិ 0 | ចំនួនចែករំលែក 0
ទោះលេងបានត្រឹម២នាទី តែ យ៉េត ចិត្រា សប្បាយចិត្តដែលគ្រូបង្វឹកផ្ដល់ឱកាស
ចន្លោះមិនឃើញ
ក្នុងជំនួបក្រុមណាហ្គាវើលដ៍ ឈ្នះម្ចាស់ផ្ទះអគ្គិសនីកម្ពុជា ៣-១ កីឡាករ យ៉េត ចិត្រា បានលេងត្រឹមតែប៉ុ២នាទីប៉ុណ្ណោះក្នុងការបង្ហាញខ្លួនជាលើកដំបូង បន្ទាប់ពីប្ដូរជំនួសខ្សែបម្រើសញ្ជាតិជប៉ុន Fumiya Kogure នៅនាទី៩០+៤។
ជុំវិញការប្ដូរចូលនេះចិត្រា បានបង្ហាញអារម្មណ៍សប្បាយរីករាយ ដ្បិតរូបគេត្រូវបានគ្រូបង្វឹកផ្ដល់ទំនុកចិត្ត និងឱកាសឱ្យបង្ហាញខ្លួនលើសមរភូមិវាលស្មៅ។ មិនតែប៉ុណ្ណោះអ្នកភ្នំពេញរូបនេះយល់ថា រូបគេក៏បានទទួលបទពិសោធថ្មីៗពីរៀមច្បងដែរ គ្រាន់ជាងអង្គុយកៅអីបម្រុង៩០នាទីពេញ។
ចិត្រា បញ្ជាក់ថា ៖«បើសម្រាប់ខ្ញុំផ្ទាល់ ខ្ញុំសប្បាយចិត្តដែលគាត់(គ្រូ) បានផ្ដល់ឱកាសឱ្យយើងលេង។ ទោះមិនថាច្រើននាទីឬនាទីតិចក៏ដោយ យើងត្រូវសប្បាយចិត្តនិងទទួលយក។ មួយទៀតយើងចូលទីលាន បានបទពិសោធខ្លះៗពីពួកបងៗរៀមច្បង»។
បើតាមការបញ្ជាក់បន្ថែមពីខ្សែការពារវ័យ២១ឆ្នាំ ការបង្ហាញចុងម៉ោងនេះដែរ កាន់តែធ្វើឱ្យគេមានឆន្ទៈក្នុងការហ្វឹកហាត់ក្នុងការលេង ដើម្បីជួយក្រុមនៅប្រកួតបន្តបន្ទាប់ទៀត។
ក្នុងជំនួបក្រុមណាហ្គាវើលដ៍ និងអគ្គិសនីកម្ពុជា កាលពីថ្ងៃទី០៦ ខែមេសា ឆ្នាំ២០២១ អតីតយុវជន U15 និង U19 របស់ភ្នំពេញក្រោន ជាកីឡាករមួយរូបក្នុងចំណោមបីនាក់របស់ណាហ្គាមានកីឡាករ ជា សុខម៉េង និង ណា ប៊ុននាថ ដែលបានប្ដូរចូល និងបង្ហាញសមត្ថភាពជាលើកទីមួយ ក្នុងរដូវកាលនេះគិតត្រឹមសប្ដាហ៍ទី៥ នៃការប្រជែងដណ្ដើមជើងឯកពានរង្វាន់លីគកំពូលកម្ពុជា៕