/Fotball/605464f69fc1a_1616143560_medium.jpg)
- 2021-03-19 08:54:16
- បាល់ទាត់
Lingard ជាប់ជម្រើសជាតិអង់គ្លេសវិញហើយ ក្រោយលេងល្អនៅ West Ham
- 2021-03-19 08:54:16
- ចំនួនមតិ 0 | ចំនួនចែករំលែក 0
Lingard ជាប់ជម្រើសជាតិអង់គ្លេសវិញហើយ ក្រោយលេងល្អនៅ West Ham
ចន្លោះមិនឃើញ
ខ្សែប្រយុទ្ធ Jesse Lingard បានជាប់ជម្រើសជាតិអង់គ្លេសដើម្បីត្រៀមលេងជម្រុះ World Cup ហើយ បន្ទាប់ពីរូបគេលេងបានល្អនៅក្រុម West Ham ។
លោក Gareth Southgate គ្រូបង្វឹកក្រុមជម្រើសជាតិអង់គ្លេស បានបង្ហាញបញ្ជីឈ្មោះកីឡាករ២៦នាក់ដើម្បីប្រមូលផ្ដុំហ្វឹកហាត់ត្រៀមប្រកួតជម្រុះ World Cup នាចុងខែនេះ។ ដោយបញ្ជីឈ្មោះកោះហៅនោះ មានកីឡាករថ្មីៗជាច្រើនដូចជា ខ្សែប្រយុទ្ធ Ollie Watkins របស់ Aston Villa ជាដើម ទើបនឹងមានឱកាសជាលើកដំបូងទេ។
អ្វីដែលគេចាប់អារម្មណ៍មួយទៀតនោះគឺ Lingard របស់ក្រុម West Ham ក៏បានជាប់ឈ្មោះផងដែរ។ កីឡាកររូបនេះ ខកខានលេងប្រហែលជា១ឆ្នាំនៅក្រុម Man Utd ដោយទើបតែផ្លាស់ទៅលេងនៅ West Ham ក្រោមលក្ខខណ្ឌខ្ចីជើងនៅខែមករានេះទេ ទើបមានឱកាសបង្ហាញសមត្ថភាព។ ទៅលេងក្រោមការដឹកនាំរបស់លោក Moyes នេះហើយ បានធ្វើឱ្យរូបគេក្លាយជាកីឡាករសំខាន់ និងសឹងតែរកគ្រាប់បាល់បានគ្រប់ប្រកួតទៅហើយ។
សូមបញ្ជាក់ក្រុមជម្រើសជាតិអង់គ្លេសនឹងត្រូវលេង៣ប្រកួតមុនចប់ខែមីនានេះ ពោលគឺប៉ះជាមួយក្រុម សាន់ម៉ារីណូ អាល់បានី និងប៉ូឡូញ៕
