ក្លឹប​បាល់ទាត់​អង្គរថាយហ្គឺរ (Angkor Tiger Football Club) ទទួល​បាន​ក្រុមហ៊ុន​ដៃ​គូ​សហការ​ឧបត្ថម្ភ​ថ្មី​មួយ​ទៀត ​គឺ​ក្រុមហ៊ុន​ភេសជ្ជៈអ៊ីយ៉ុងបំពេញជាតិទឹកប៉ូការី ស្វេត (POCARI Sweat)។ នេះបើតាមការប្រកាសឲ្យដឹង​នៅលើទំព័រហ្វេសប៊ុកផ្លូវការ​របស់ Angkor Tiger។

ប៉ូការី ស្វេត គឺជាភេសជ្ជៈ​អ៊ីយ៉ុង​បំពេញជាតិទឹកបានល្អជាងគេរបស់ប្រទេសជប៉ុន ដែល​កំពុងពេញនិយម​នៅ​កម្ពុជា ជាពិសេស​គឺសម្រាប់​អ្នក​លេងកីឡា​តែម្ដង។

ប៉ូការី ស្វេត ត្រូវបានណែនាំឲ្យពិសារដោយវេជ្ជបណ្ឌិតជាច្រើន​ សម្រាប់​អ្នក​ដែល​បាត់បង់ជាតិទឹក អ្នកជំងឺរាគរូស អ្នកធ្វើការក្រោមកំដៅថ្ងៃ អ្នកលេងកីឡា អ្នកធ្វើដំណើរ និងគ្រប់សកម្មភាព​ប្រចាំថ្ងៃ។

អ្វីដែលពិសេស​នោះគឺ ភេសជ្ជៈ​នេះ មានសារធាតុអ៊ីយ៉ុង ដែលប្រហាក់ប្រហែលទៅនឹង​សារធាតុទឹកក្នុងរាងកាយ​របស់​យើង ដែលអាចជ្រាបចូល និងបំពេញជាតិទឹកក្នុងរាងកាយ​យ៉ាង​មានប្រសិទ្ធភាព។

សូមបញ្ជាក់ផងដែរថា សម្រាប់រដូវកាលថ្មីនេះ ក្លឹបបាល់ទាត់​ Angkor Tiger ទទួលបាន​ក្រុមហ៊ុនដៃគូសហការ​ឧបត្ថម្ភ​ជាច្រើន ដែលមានដូចជា Sabay, ទឹកគោសុទ្ធគិរីសួគ៌, Voltra, Dai-Ichi Life, NT Sport, JC Finance និង Pocari Sweat៕