- 2021-02-24 07:07:22
- បាល់ទាត់
គ្រូ Atalanta ៖ បើ Zidane ចូលលេង ទើបធ្វើឱ្យខ្ញុំភ័យព្រួយយប់នេះ
- 2021-02-24 07:07:22
- ចំនួនមតិ 0 | ចំនួនចែករំលែក 0
គ្រូ Atalanta ៖ បើ Zidane ចូលលេង ទើបធ្វើឱ្យខ្ញុំភ័យព្រួយយប់នេះ
ចន្លោះមិនឃើញ
ក្រុម Atalanta នឹងត្រូវបើកទ្វាផ្ទះស្វាគមន៍ក្រុមភ្ញៀវ Real Madrid នៅម៉ោង៣រំលងអាធ្រាត្រនេះ សម្រាប់ការប្រកួតពានរង្វាន់ UEFA Champions League ជើងទី១ វគ្គ១៦ក្រុមចុងក្រោយ។
មុនការប្រកួតឈានចូលមកដល់ លោក Gian Piero Gasperini គ្រូបង្វឹកក្រុម Atalanta បាននិយាយថា៖ “ខ្ញុំនឹងពិបាកចិត្ត ព្រួយបារម្ភប្រសិនបើ Zidane អាចចូលលេងបាន ប៉ុន្តែជារឿងសំណាងដែរ គាត់នឹងឈរនៅក្រៅទីលានបញ្ជាកូនក្រុមប៉ុណ្ណោះ។ ខ្ញុំធ្លាប់បានឃើញគាត់ធ្វើរឿងអស្ចារ្យជាច្រើន។ ខ្ញុំធ្លាប់ធ្វើជាគ្រូយុវជនរបស់ Juventus នៅពេលគាត់លេងឱ្យក្លឹបនេះ ហើយខ្ញុំតែងតែឈរមើលគាត់ហ្វឹកហាត់ជានិច្ច”។
បុរសវ័យ៦៣ឆ្នាំខាងលើនេះក៏បានបញ្ជាក់ពីលទ្ធផលនៃការប្រកួតនៅរាត្រីនេះថាលោកមិនចង់បានអ្វីច្រើននោះទេពីកូនក្រុម សំខាន់គឺទម្រង់លេងមួយដែលល្អមើល។ Atalanta មិនមែនជាក្រុមប្រជែងពានរង្វាន់នោះទេ ដូច្នេះលទ្ធផលយ៉ាងណាក៏បាន សំខាន់ការប្រកួតមួយដែលល្អមើលទៅគឺគ្រប់គ្រាន់សម្រាប់អ្នកគាំទ្រទៅហើយ៕