- 2021-02-18 02:31:30
- បាល់ទាត់
Haaland ថា ដោយសារ Mbappe ទើបធ្វើឲ្យគេពុះកញ្ជ្រោលរកគ្រាប់បាល់
- 2021-02-18 02:31:30
- ចំនួនមតិ 0 | ចំនួនចែករំលែក 0
Haaland ថា ដោយសារ Mbappe ទើបធ្វើឲ្យគេពុះកញ្ជ្រោលរកគ្រាប់បាល់
ចន្លោះមិនឃើញ
Erling Haaland បាននិយាយថា ការរកគ្រាប់បាល់បានរបស់គេនៅ Champions League ទល់នឹង Sevilla គឺមានការជំរុញទឹកចិត្តដោយសារការទាត់ Hat-Trick របស់ Kylian Mbappe លើ Barcelona។
ខ្សែប្រយុទ្ធ Mbappe អាចរកបាន៣គ្រាប់ម្នាក់ឯងក្នុងកីឡដ្ឋាន Nou Camp កាលពីថ្ងៃអង្គារ ជួយ Paris Saint-Germain ឈ្នះ ៤-១ មានឱកាសច្រើនឡើងទៅវគ្គ៨ក្រុមចុងក្រោយ។ ប៉ុន្តែសម្រាប់ថ្ងៃនេះវិញ ឈ្មោះរបស់ Haaland ត្រូវចុះផ្សាយពាសពេញទំព័រមុខ បន្ទាប់ពីគេធ្វើបាន២គ្រាប់ម្នាក់ឯង នាំ Dortmund ឈ្នះ Sevilla ៣-២។
ក្រោយជួយក្រុមទទួលបានជ័យជម្នះនៅជើងទីមួយវគ្គ១៦ក្រុមចុងក្រោយ Haaland បាននិយាយថា ដោយសារការទាត់បញ្ចូលទីរបស់ Mbappe ជាកម្លាំងចិត្តធ្វើឲ្យពុះកញ្ជ្រោលក្នុងការប្រកួតយប់មិញ។
“ខ្ញុំពិតជាពេញចិត្តការប្រកួត Champions League ណាស់ ហើយពេលខ្ញុំឃើញ Mbappe រកបាន Hat-Trick កាលពីម្សិលមិញ ខ្ញុំទទួលបានការជំរុញទឹកចិត្តជាខ្លាំង។ ពិតជាអរគុណគេខ្លាំងណាស់ៗ។ សម្ដី Haaland៕