/Football19/600bde44ad617_1611390480_medium.jpg)
- 2021-01-23 08:32:22
- បាល់ទាត់
Wilshere ៖ ខ្ញុំមិនដែលគិតដល់ទេ ថាខ្លួនធ្លាក់ដល់លេងលីគលំដាប់ទី២
- 2021-01-23 08:32:22
- ចំនួនមតិ 0 | ចំនួនចែករំលែក 0
Wilshere ៖ ខ្ញុំមិនដែលគិតដល់ទេ ថាខ្លួនធ្លាក់ដល់លេងលីគលំដាប់ទី២
ចន្លោះមិនឃើញ
Jack Wilshere អតីតកីឡាករឆ្នើមម្នាក់របស់ក្រុមកាំភ្លើងធំ Arsenal ថាខ្លួនមិនដែលស្រមៃដល់ទេថា ខ្លួនធ្លាក់មកលេងនៅលីគលំដាប់ទី២ Championship ដូចរដូវកាលនេះ។
ខ្សែបម្រើអង់គ្លេសខាងលើនេះ បានបញ្ជាក់ថាខ្លួនអាចនៅលេងឱ្យក្រុម West Ham បាននារដូវកាលនេះ ប៉ុន្តែមិនធានាការបានលេងទៀងទាត់នោះទេ។ ដោយសារតែចង់បង្ហាញសមត្ថភាពលើទីលាន រូបគេក៏សម្រេចចិត្តមកជួយក្រុម Bournemouth ដែលកំពុងលេងនៅលីគលំដាប់ទី២នេះតែម្ដង។ ដោយរំពឹងថានារដូវកាលនេះ អាចស្រោចស្រង់ក្លឹបនេះដើម្បីឡើងទៅ Premier League វិញបាន។
កីឡាករវ័យ២៩ឆ្នាំបាននិយាយអារម្មណ៍ខ្លួនឯងផ្ទាល់ថា៖ “ពីមុនមក ខ្ញុំមិនដែលចង់លេងនៅទីនេះ ឬព្យាយាមឈ្នះពានរង្វាន់នេះទេ កាលពី១០ឆ្នាំមុន។ ប៉ុន្តែឥឡូវនេះខ្ញុំបានមកដល់ទីនេះហើយ។ រួចរាល់ និងត្រៀមជាស្រេច ដើម្បីជួយ Bournemouth ឱ្យឡើងទៅវិញ។ ខ្ញុំមានសំណាងណាស់ហើយដែលអាចរកប្រាក់បានគ្រប់គ្រាន់ក្នុងអាជីពបាល់ទាត់នេះ ប៉ុន្តែជាក់ស្ដែងទៅខ្ញុំចង់មានឱកាសបានលេងច្រើនមុនពេលបញ្ចប់អាជីពជាកីឡាករ”។
Jack Wilshere អតីតកីឡាករអង់គ្លេសខាងលើនេះ លេងឱ្យក្រុមកាំភ្លើងធំ១០ឆ្នាំ ពីឆ្នាំ២០០៨ដល់២០១៨។ បន្ទាប់មកទៀត រូបគេក៏ត្រូវបានក្រុម Bolton ខ្ចីជើង ហើយក៏បន្ដឱ្យ Bournemouth ខ្ចីជើងទៀត មុនពេលសម្រេចផ្ទេរទៅ West Ham តែម្ដងនៅឆ្នាំ២០២០កន្លងទៅនេះ។ ខណៈដែលពេលនេះ រូបគេក៏បានសម្រេចការផ្ទេរទៅលេងឱ្យ Bournemouth ជាផ្លូវការហើយនៅលីគលំដាប់ទី២៕
