- 2021-01-23 07:35:13
- បាល់ទាត់
Ole ថា Klopp ច្រឡំធំទេដឹងដែលថា Man Utd លេងតែការពារសុទ្ធ
- 2021-01-23 07:35:13
- ចំនួនមតិ 0 | ចំនួនចែករំលែក 0
Ole ថា Klopp ច្រឡំធំទេដឹងដែលថា Man Utd លេងតែការពារសុទ្ធ
ចន្លោះមិនឃើញ
លោក Ole Gunnar Solskjaer បានវាយបកទៅលោក Klopp វិញ ដែលធ្លាប់និយាយថាក្រុមបិសាចក្រហម Manchester United មានកីឡាករល្អៗច្រើន តែលេងតែការពារសុទ្ធ។
កាលពីប៉ះគ្នាក្នុងពានរង្វាន់ English Premier League កន្លងទៅ គឺក្រុមទាំងពីរខាងលើនេះលេងបានត្រឹមស្មើគ្នា ០-០ ប៉ុណ្ណោះ។ ក្រោយពីចប់ការប្រកួតនោះលោក Klopp បានបន្ទោសទៅក្រុមបិសាចក្រហមថាលេងអីតែការពារសុទ្ធបែបនេះ ស្របពេលមានកីឡាករល្អៗច្រើនលំដាប់ពិភពលោកច្រើនដែរ។ ខណៈដែលពួកគេនឹងត្រូវប៉ះគ្នាម្ដងទៀត នៅពានរង្វាន់ FA Cup ម្ដងនៅយប់ស្អែកនេះទៀត។
មុនប៉ះគ្នាម្ដងទៀតនេះ លោក Ole បានតបទៅលោក Klopp វិញថាប្រហែលយល់ខុសហើយចំពោះទម្រង់លេងរបស់ក្រុម Man Utd ។ បិសាចក្រហមជាក្រុមលេងប្រយុទ្ធតាំងពីដើមមក ហើយអាចនឹងប្រយុទ្ធខ្លាំងច្រើនហួសថែមទៀតផង។ នៅពេលមានបាល់ សមាជិកម្នាក់ៗតែងតែព្យាយាមអូសទៅមុខជានិច្ច ដើម្បីស្វែងរកឱកាសបញ្ចប់ទី។ នេះសបញ្ជាក់ថា Man Utd ជាក្រុមមិនចេះលេងទប់នោះទេ៕