- 2021-01-22 03:12:59
- បាល់ទាត់
ខ្សែប្រយុទ្ធ ៥ រូបនេះកំពុងស្ថិតក្នុងការតាមដានខ្លាំងរបស់ Fan
- 2021-01-22 03:12:59
- ចំនួនមតិ 0 | ចំនួនចែករំលែក 0
ខ្សែប្រយុទ្ធ ៥ រូបនេះកំពុងស្ថិតក្នុងការតាមដានខ្លាំងរបស់ Fan
ចន្លោះមិនឃើញ
លីគកំពូលកម្ពុជា នឹងបិទទីផ្សារដោះដូរកីឡាករថ្ងៃទី២៨ ខែកុម្ភៈ ឆ្នាំ២០២១ ហើយបច្ចុប្បន្នក្លឹប ខ្លះបានប្រកាសជាផ្លូវការ និងមួយចំនួនមិនទាន់ប្រកាសជាផ្លូវការអំពីវត្តមានខ្សែប្រយុទ្ធខាងក្រោមនេះឡើយ។ ដូច្នេះ Sabay សូមធ្វើការបង្ហាញជូនខ្សែប្រយុទ្ធ ៥ រូបដែលកំពុងស្ថិតក្នុងការតាមដានមហាជន ៖
១- ចាន់ វឌ្ឍនាកា ៖ ខ្សែប្រយុទ្ធរូបនេះកំពុងតែស្ថិតក្នុងការរង់ចាំតាមដានរបស់ Fan ថា គេនៅបន្តនៅបឹងកេត ឬចាកចេញទៅក្លឹបផ្សេង។ យ៉ាងណាកាលពីពេលថ្មីៗនេះ សាមីខ្លួនបានចេញមកបញ្ជាក់យ៉ាងខ្លីថា សូមឲ្យ Fan រង់ចាំបន្តិចទៀត។
២- Marcus Haber ៖ ខ្សែប្រយុទ្ធរូបនេះកំពុងស្ថិតក្នុងការតាមដានរបស់ Fan ដូចគ្នា បន្ទាប់ពីរូបគេបានផ្លាស់មកកាន់ទឹកដីរបស់វិសាខា ប៉ុន្តែមិនទាន់បានបង្ហាញសមត្ថភាពកាលប៉ះ ស្វាយរៀង ដែលបញ្ចប់ទៅដោយលទ្ធផល វិសាខាឈ្នះ ២-១ ។
៣- Petru Leuca ៖ កាលពីពេលថ្មីៗនេះមានពាក្យចចាមអារ៉ាមថា ខ្សែប្រយុទ្ធជម្រើសជាតិម៉ុលដាវី រូបនេះនឹងចូលលេងឲ្យណាហ្គាវើល សម្រាប់រដូវកាល២០២១។ ជាងនេះទៅទៀតបើតាមប្រភពពី transfermarkt.com បានចេញផ្សាយថា ខ្សែប្រយុទ្ធបទពិសោធជោគជាំរូបនេះ ក៏នឹងបង្ហាញខ្លួនឲ្យណាហ្គាវើលផងដែរ។ ប៉ុន្តែសម្រាប់ការប្រកាសផ្លូវការគឺក្លឹបមិនទាន់បានធ្វើនៅឡើយ។
៤- Miguel Ángel Junco Martínez ឬ Mika ៖ ខ្សែប្រយុទ្ធរូបនេះបានចូលលេងនៅវគ្គទី២ឲ្យស្វាយរៀង កាលលេងចាញ់វិសាខា ២-១។ ទោះបីទទួលបានលទ្ធផលមិនល្អបែបនេះក្ដី សមត្ថភាពខ្សែប្រយុទ្ធរូបនេះត្រូវបានគេចាប់អារម្មណ៍ថា ល្អខ្លាំង ដោយការស៊ុតបាល់ពីចម្ងាយចំបង្គោលទី និងការអូសបាល់ញាក់ខ្សែការពារ វិសាខា ជាដើម។ យ៉ាងណាការចូលលេងមិនបានពេញតង់នេះហើយ ដែលជាចំណុចធ្វើឲ្យអ្នកគាំទ្របន្តរង់ចាំតាមដានបន្តទៀតថា ល្អកម្រិតណានោះ។
៥-កីឡាករបរទេសទី៥ របស់ភ្នំពេញក្រោន៖ បើតាមសម្ដីរបស់លោក កែវ សុខងន អ្នកចាត់ការភ្នំពេញក្រោន បានបញ្ជាក់ថា ក្រុមរបស់លោក នឹងនាំយកខ្សែប្រយុទ្ធល្អម្នាក់មកពីតំបន់អឺរ៉ុប ដើម្បីប្រកួតប្រជែងជាមួយក្រុមផ្សេង ដូចជាស្វាយរៀង និង វិសាខា ជាដើម។ យ៉ាងការចារចរចានាំមកកាន់កម្ពុជាកំពុងដំណើរការ ដែលធ្វើឲ្យអ្នកគាំទ្រក្រោនកំពុងចាំមើល។