/60080d12f39ad_1611140340_medium.jpg)
- 2021-01-20 11:02:48
- បាល់ទាត់
ខណៈកំពុងធ្លាក់ទម្រង់ ឮថា Chelsea ត្រូវការគ្រូចេះនិយាយអាល្លឺម៉ង់ ជំនួស Lampard
- 2021-01-20 11:02:48
- ចំនួនមតិ 0 | ចំនួនចែករំលែក 0
ខណៈកំពុងធ្លាក់ទម្រង់ ឮថា Chelsea ត្រូវការគ្រូចេះនិយាយអាល្លឺម៉ង់ ជំនួស Lampard
ចន្លោះមិនឃើញ
ស្របពេលក្លឹប Chelsea កំពុងតែធ្លាក់ទម្រង់លេង មានពាក្យចចាមអារ៉ាមមួយចំនួនបានឲ្យដឹងថា ខាងក្លឹបកំពុងគិតគូររកគ្រូ ដែលចេះនិយាយភាសាអាល្លឺម៉ង់ មកជំនួសលោក Frank Lampard នេះបើតាមការចុះផ្សាយរបស់ Daily Mail។
បើតាមសារព័ត៌មានមួយនេះបានឲ្យដឹងថា ការដែលចង់បានគ្រូ ដែលចេះនិយាយភាសាអាល្លឺម៉ង់ ក៏ព្រោះតែខាងថ្នាក់ដឹកនាំក្លឹប ចង់ឲ្យប្រើប្រាស់ឲ្យនូវសមត្ថភាព ពីខ្សែប្រយុទ្ធ Timo Wernerនិង Kai Havertz ។
កីឡាករទាំងពីររូបនេះកំពុងតែមានទម្រង់លេងមិនសូវល្អនៅ Premier League ក្រោយពីចូលតាំងរដូវក្ដៅឆ្នាំ២០២០មក។
បន្ថែមពីលើនេះទៅទៀត ខាង Daily Mail ក៏ទម្លាយឲ្យដឹងថា ខាង Chelsea កំពុងតែចាប់អារម្មណ៍បេក្ខភាពគ្រូអាល្លឺម៉ង់ ៣រូបគឺ គ្រូ Southampton លោក Ralph Hasenhuttl អតីតគ្រូ RB Leipzig លោក Ralf Rangnick និងគ្រូ RB Leipzig នាពេលបច្ចុប្បន្នគឺលោក Julian Naglesmann៕
